Կրեմլյովսկայա փողոց (Կազան)

Կրեմլյովսկայա փողոց
Երկիր	Ռուսաստան
Գտնվում է	Վախիտովսկի շրջան և 1-ին ոստիկանական տեղամաս
Երկարություն	1050 ± 1 մետր
Փոստային ինդեքս	420014, 420008 և 420111

Կրեմլյովսկայա փողոց (թաթ.՝ Кремль урамы), գլխավոր փողոց Կազանի պատմական կենտրոնում, Վախիտովսկի շրջանում։ Սկիզբ է առնում Մայիսի 1-ին հրապարակից և ավարտվում Կազան համալսարանական պուրակում։

Փողոցի նախկին անուններն են՝ Սպասկայա (ըստ Կազանի Կրեմլի Սպասկայա աշտարակի), Վոսկրեսենսկայա (17-րդ դարի վերջից, ըստ Սուրբ Հարության քանդված եկեղեցու, 1671 թվական), Չերնիշևսկայա (1917 թվականից), Լենինի (1960 թվականից)։ Ներկայիս անվանումը փողոցը ստացել է 1996 թվականին^[1]։

Փողոցն ի հայտ է եկել 16-րդ դարում^[2]։ Փողոցի հիմնական շինությունները ձևավորվել են 19-րդ դարում։ 19-րդ դարի վերջում, 20-րդ դարի սկզբում փողոցի երկայնքով գործել է ձիակառքի գիծը, այնուհետև՝ № 4 տրամվայը։ 20-րդ դարի երկրորդ կեսին փողոցով է անցել Կազանի հազվագյուտ № 15 ավտոբուսը։ Ներկայումս փողոցի երկայնքով անցնում է № 98 միկրոավտոբուսը։

1050 մետր երկարությամբ փողոցը բլրի գագաթից ձգվում է հյուսիս-արևմուտքից դեպի հարավ-արևելք^[3]։ 2011 թվականին փողոցի երկայնքով մայթերը սալիկապատվել են^[4]։

Ճարտարապետական առավել կարևոր հուշարձաններն են՝

• Մայիսի 1-ի հրապարակի համալիրը, որն իր կազմում ներառում է Փրկչի աշտարակը, Կազանի Կրեմլը, Մուսա Ջալիլի հուշարձանը, Կազանի քաղաքապետարանի շենքը (ավելի վաղ՝ Քաղաքային դումա), Մայիսի 1-ի հրապարակ (ավելի վաղ՝ Գոստինի դվոր)
• Ալեքսանդրովսկի պասաժ (1880-1883 թվականներ, ճարտարապետներ՝ Վլադիմիր Սուսլով և Նիկոլայ Պոզդեև)
• Չերնոյարսկի պասաժ, (190))^[5]
• Հանրային կառավարման ինստիտուտ (նախկինում՝ Առևտրային ակումբ, ռազմական ժողով), (186))
• Կազանի գլխավոր փոստատուն
• Թաթարստանի գերագույն դատարան (նախկինում`ռազմական գավառապետի բնակարան, Կազանի շրջանային դատարանի և դատարանի դահլիճ), (182))
• Թաթարստանի դատախազություն
• Ուշկովի տուն (1908 թվական, ճարտարապետ՝ Կարլ Մյուֆկե), այժմ՝ Թաթարստանի ազգային գրադարան
• Կազանի համալսարանի ֆիզիկայի ֆակուլտետի բարձր շենքը հրապարակով և Եվգենի Զավոյսկու հուշարձանով
• Կազանի համալսարանի քիմիական ֆակուլտետ
• Լոբաչևսկու պուրակը համանուն հուշարձանի հետ միասին
• Թաթարստանի ազգային գրադարան (Ուշկովի տուն ըստ Կարլ Մյուֆկեի նախագծի), (190))^[6]
• Կազանի համալսարանի գլխավոր շենք, (182))
• Համալսարանի պուրակի համալիրը Միխայիլ Նուժինի հուշարձանի և Լենինի երիտասարդ տարիքի հուշարձանի հետ

Փողոցի անմիջական հարևանությամբ է գտնվում Պետրոպավլովսկյան տաճարը։

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կրեմլյովսկայա փողոց (Կազան) կատեգորիայում։