Վիքիպեդիայից՝ ազատ հանրագիտարանից
Խոզակնճիթ դեղատու (լատին․՝ Sisymbrium officinale), խաչածաղկավորների ընտանիքին պատկանող դեղաբույս։
10-60 սմ բարձրությամբ միամյա խոտաբույս է, որի ճյուղավոր ցողունը ծածկված է կոշտ մազիկներով։ Սպիտակ արմատը առանցքային է։ Ստորին կոթունավոր տերևները փետրաձև հատված են, գագաթնային հատվածը խոշոր է կողքայիններից։ Վերին տերևները նստադիր են և նիզակաձև։ Ցողունների գագաթնային ողկույզներում հավաքված չորսանդամ ծաղիկները դեղին են և մանր։ Երկարավուն միաշարք սերմերով պտուղները բզաձև մազապատ պատիճներ են[1]։
Աճում է միջին լեռնային գոտու աղբավայրերում։ Հանդիպում է Լոռու, Գեղարքունիքի, Սյունիքի մարզերում[1]։
Խողակնճիթի տերևները հարուստ են C վիտամինով։ Բուժական նպատակներով օգտագործում են վերգետնյա մասը և երբեմն արմատները։ Երիտասարդ տերևներից և ցողուններից պատրաստում են աղցաններ, իսկ մանրացրած սերմերից՝ մանանեխին փոխարինող համեմունք[1]։
- ↑ 1,0 1,1 1,2 Ծատուրյան, Թամարա; Գևորգյան, Մարգարիտա (2014). Պողոսյան, Ա․; Զաքարյան, Ն․ (eds.). Հայաստանի վայրի դեղաբույսեր. Երևան: Լուսակն. էջ 315. ISBN 9789939834689.
Տաքսոնի նույնացուցիչներ |
|---|
| | Sisymbrium officinale | |
|---|
| | Erysimum officinale | |
|---|
|
