Լեոնարդ Պետրոսյան

Այս հոդվածն աղբյուրների կարիք ու��ի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Լեոնարդ Գեորգիի Պետրոսյան
Արցախի հանրապետության նախագահի ժ.պ.
մարտի 20 - սեպտեմբերի 8, 1997
Նախորդող	Ռոբերտ Քոչարյան
Հաջորդող	Արկադի Ղուկասյան
Արցախի հանրապետության վարչապետ
դեկտեմբերի 24, 1994 - հունիսի 15, 1998
Նախորդող	Ռոբերտ Քոչարյան
Հաջորդող	Ժիրայր Պողոսյան
Հայաստանի հանրապետության օպերատիվ հարցերի նախարար
հունիսի 11 - հոկտեմբերի 27, 1999
Նախորդող	Դավիթ Զադոյան (որպես ՀՀ տարածքային կառավարման և օպերատիվ հարցերի նախարար)
Հաջորդող	Վահան Շիրխանյան (որպես Արտադրական ենթակառուցվածքների գործունեությունը համակարգող նախարար)
Կրթություն՝	Հայաստանի պետական տնտեսագիտական համալսարան
Մասնագիտություն՝	քաղաքական գործիչ
Ազգություն	հայ
Ծննդյան օր	հոկտեմբերի 13, 1953(1953-10-13)
Ծննդավայր	Մարտունի, Մարտունու շրջան, ԼՂԻՄ, Ադրբեջանական ԽՍՀ, ԽՍՀՄ
Վախճանի օր	հոկտեմբերի 27, 1999(1999-10-27) (46 տարեկան)
Վախճանի վայր	Երևան, Հայաստան
Թաղված	Թոխմախի գերեզմանատուն
Քաղաքացիություն	ԽՍՀՄ,  Արցախ,  Հայաստան
Պարգևներ
Leonard Petrosyan

Լեոնարդ Գեորգիի Պետրոսյան (հոկտեմբերի 13, 1953, Մարտունի, Մարտունու շրջան, ԼՂԻՄ, Ադրբեջանական ԽՍՀ, ԽՍՀՄ - հոկտեմբերի 27, 1999, Երևան, Հայաստան), հայ քաղաքական գործիչ, Արցախի Հանրապետության վարչապետ (1994-1998), Արցախի Հանրապետության նախագահի պաշտոնակատար (ապրիլ-սեպտեմբեր, 1997), ՀՀ Պաշտպանության նախարարի տեղակալ (1998-1999), ՀՀ օպերատիվ հարցերի նախարար (1999)։

Ծնվել է 1953 թվականի հոկտեմբերի 13-ին Լեռնային Ղարաբաղի Ինքնավար Մարզի Մարտունի ավանում, ծառայողի ընտանիքում։ Միջնակարգ կրթություն ստացել է ծննդավայրում։ Ծառայել է Խորհրդային բանակում։ 1974 թվականին Երևանի կոոպերատիվ ինստիտուտի (Մոսկվայի մասնաճյուղ) ուսանող էր, երբ աշխատանքի անցավ ԼՂԻՄ Մարտունու շրջանի ֆինանսական բաժնում։ 1979 թվականին ավարտել է Երևանի Ժողտնտեսության ինստիտուտը։

1975-1990 թվականներին աշխատել է հասարակական սննդի Մարտունու շրջանային համակարգում, Գևորգավանի գինու գործարանում, Կոմկուսի Մարտունու շրջկոմում, ԼՂԻՄ ագրոարդկոմբինատում՝ զբաղեցնելով տարբեր պաշտոններ, դրսևորելով կազմակերպչական ակնառու դիրք, օբյեկտիվություն և սրտացավություն։

Մասնակցել է Արցախյան շարժմանը, 1991 թվականին նշանակվեց ԼՂԻՄ մարզկոմի նախագահի պաշտոնակատար, իսկ սեպտեմբերին ընտրվեց ԱՀ մարզխորհրդի նախագահ։ 1992 թվականի հունվարին նշանակվեց ՀՀ հատուկ ծրագրերի վարչության պետի առաջին տեղակալ, այնուհետև՝ պետ։ 1994 թ. դեկտեմբերից մինչև 1998 թ. հունիս ԱՀ վարչապետն էր։

Ամուսնացած էր, չորս զավակների հայր։

1997 թվականի ապրիլ-սեպտեմբերին միաժամանակ եղել է ԱՀ նախագահի պաշտոնակատար։ Այնուհետև տեղափոխվեց Երևան և նշանակվեց ՀՀ պաշտպանության նախարարի տեղակալ։ 1999 թվականի հոկտեմբերի 27-ին ՀՀ Ազգային Ժողովի նիստերի դահլիճում զոհվեց։