Իտալական պարտիա
| a | b | c | d | e | f | g | h | ||
| 8 |              | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
Իտալական պարտիա (իտալ.՝ Giuoco piano, Հանգիստ խաղ), շախմատային սկզբնախաղ, որը սկսվում է հետևյալ քայլերով՝
1. e2-e4 e7-e5
2. Փg1-f3 Ձb8-c6
3. Փf1-c4 Փf8-c5[1]
Սկզբնախաղն իր տեսակով համարվում է բաց սկզբնախաղ[2]։
Պատմություն
[խմբագրել | խմբագրել կոդը]Հնագույն սկզբնախադերից մեկն է։ Իտալական պարտիայի վերլուծությունները հրապարակված են եղել դեռևս 16֊17֊րդ դարերում, իտալացի վարպետների, մասնավորապես Ջոակինո Գրեկոլի (1600֊1634 թթ.) և Պեդրո Դամիանոյի կողմից։ Միջին դարերում սկզբնախաղը շատ տարածված է եղել, քանի որ իտալական պարտիան նախադրյալներ է ստեղծում սևերի արքայական թևի և, առաջին հերթին, f7 թույլ դաշտի գրոհի համար[3]: Սակայն հետագա զարգացման ընթացքում սևերի ակտիվ պաշտպանության հուսալի ուղիներ են մշակվել, և սպիտակների սպառնալիքները կտրուկ կերպով նվազել են։
Չնայած բարձր մակարդակի շախմատիստների մոտ իտալական պարտիան համեմատաբար հազվադեպ է հանդիպվում, սակայն այն նախկինի պես պահպանում է իր նշանակությունը:
Հիմնական շարունակություններ
[խմբագրել | խմբագրել կոդը]Խաղը կարող է զարգանալ երեք հիմնական ուղղություններով՝ ապահովություն, կենտրոնի վերահսկում և գամբիտ։
Ապահովություն
[խմբագրել | խմբագրել կոդը]4. d3 d6 5. Ձc3 Ձf6 6. O-O O-O
Սպիտակները նախընտրում են զարգացնել իրենց ֆիգուրները առանց կենտրոնում ակտիվ պայքարի, որը հուսալի է և թույլ չի տալիս արագ վտանգների։ Բայց այդ սևերին լուրջ խնդիրներ չի սպասվում։ Խաղն այդ շարունակությամբ հանգիստ բնույթ է ստանում, և կողմերը պատրաստվում են ավելի ուշ փուլերում ռազմավարական կամ տակտիկական խաղի։
Կենտրոնի վերահսկման պայքար
[խմբագրել | խմբագրել կոդը]4. c3 Ձf6 5. d4 exd4 6. cxd4 Փb4+ 7. Փd2 Փxd2+ 8. Ձxd2 d5
Սպիտակները ձգտում են վերահսկողության տակ վերցնել դաշտի կենտրոնը՝ c3 և d4 քայլերով, սակայն սևերը արագ հակազդում են դրան։ Խաղաքարերի փոխանակման միջոցով սևերը վերացնում են սպիտակների առավելությունը կենտրոնում և հավասարեցնում հնարավորությունները։
Էվանսի գամբիտ
[խմբագրել | խմբագրել կոդը]4. b4 Փxb4 5. c3
| a | b | c | d | e | f | g | h | ||
| 8 | | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
Այս գամբիտն առաջարկել է ուելսցի շախմատիստ և նավաստի Ուիլյամ Դևիս Էվանսը 1824 թվականին։ Սա առավել ագրեսիվ մոտեցում է, որտեղ սպիտակները զոհաբերում են b2 զինվորը՝ ժամանակ շահելու և կենտրոնը գրավելու համար։ Սևերի լավագույն շարունակությունը Փxb4 քայլով զոհաբերությունն ընդունելն է, բայց անհրաժեշտ է զգուշորեն շարունակել, քանի որ սպիտակները կարող են ստանալ ուժեղ նախաձեռնություն։ Այդ տարբերակը առավել տարածված է, քանի որ սպիտակները ձեռք են բերում ակտիվություն և հարձակման հնարավորություններ[4]։
Գրականություն
[խմբագրել | խմբագրել կոդը]- Калиниченко Н.М. Все шахматные дебюты : энциклопедия. — М.: Эксмо, 2019. — С. 136—143. — 816 с. — ISBN 978-5-699-76099-2.
Ծանոթագրություններ
[խմբագրել | խմբագրել կոդը]- ↑ Итальянская партия в шахматах
- ↑ Marović & Sušić 1975, էջ. 53
- ↑ Շախմատային մինիատյուրներ։ 400 կոմբինացիոն պարտիաներ /. by Ռոյզման, Աբրամ Յակովլևիչ; Ավետիսյան, Լ [trl]; Ավագյան, Ռ.Գ [edt]. Material type: ...
- ↑ ShakhMaty (2020-09-28). «Итальянская партия в шахматах - ловушки за черных и белых». Шахматы на Chess Boom - играть, смотреть, учиться (ռուսերեն). Վերցված է 2024-11-27-ին.
Արտաքին հղումներ
[խմբագրել | խմբագրել կոդը]
| ||||||
