Իբրահիմ ալ-Մազինի

Իբրահիմ ալ-Մազինի; إبراهيم المازني
Ծնվել է	օգոստոսի 19, 1889
Ծննդավայր	Կահիրե ; Եգիպտոս
Վախճանվել է	օգոստոսի 10, 1949 (59 տարեկան)
Վախճանի վայր	Կահիրե ; Եգիպտոս
Մասնագիտություն	լրագրող, բանաստեղծ, թարգմանիչ, գրող և վիպասան
Ազգություն	արաբ
Քաղաքացիություն	Օսմանյան կայսրություն, Եգիպտական սուլթանություն և Եգիպտոսի թագավորություն
Գրական ուղղություններ	Դիվան գրական խմբակ
Ուշագրավ աշխատանքներ	Q16125938?
Անդամակցություն	Դամասկոսի արաբերենի ակադեմիա և Կահիրեի արաբերեն լեզվի ակադեմիա
Աշխատավայր	Faculty of Dar Al-Uloom, Cairo University?
	Ibrahim al-Mazini Վիքիպահեստում

Իբրահիմ ալ-Մազինի (օգոստոսի 19, 1889(1889-08-19)^[1]^[2], Կահիրե, Եգիպտոս - օգոստոսի 10, 1949(1949-08-10)^[1]^[3]^[2], Կահիրե, Եգիպտոս) ամբողջական անուն՝ (արաբ․՝ إبراهيم عبد القادر المازني‎‎, Իբրահիմ 'Աբդ ալ-Կադիր ալ-Մազինի) , արաբ բանաստեղծ, արձակագիր, «Դիվան» գրական խմբակի հիմնադիր։

Դիվանի երեք պոետներից առավել բեղմնավոր գործունեություն է եղել Իբրահիմ ալ-Մազինին (1889 - 1949), ով գրել է ոչ միայն բանաստեղծություններ, այլև նորավեպեր, զբաղվել է լրագրողությամբ և թարգմանչությամբ։ Նա ծնվել է Կահիրեում, ուսանել այնտեղ, ապա՝ զբաղվել գրական-ստեղծագործական և մանկավարժական գործունեությամբ։ 1906 թվականին ընդունվում և 3 տարի անց ավարտում է Կահիրեի Ուսուցչական սեմինարիան, թեպետ երազում էր ընդունվել իրավագիտական դպրոց։ Այնուամենայնիվ, Ուսուցչական սեմինարիան ժամանակի եգիպտական առաջավոր բուհերից էր՝ մինչև Կահիրեի համալսարանի հիմնադրումը։ Ուսանողական տարիներին սկսում է առաջին ուսումնասիրությունները բանասիրության ոլորտում։

1909 թվականին, ավարտելով Կահիրեի ուսուցչական սեմինարիան, ալ-Մազինին սկսում է դասավանդել Խեդիվյան (1909 - 1914), ապա՝ Դար ալ-Ուլմ դպրոցներում (1914 - 1918)։ Այդ տարիներին ավելի է մտերմանում ալ-Ակկադի և Շուքրիի հետ։ 1913 թվականին լույս է տեսնում իր առաջին ժողովածուն, 1917 թվականին՝ երկրորդը։ Ալ-Մազինիի բանաստեղծությունները գրված էին արաբական ոճով, սակայն եվրոպական մշակույթի ազգեցությամբ։ 1918 թվականին նա թողնում է ուսուցչի գործը և սկսում զբաղվել լրագրողությամբ։ Ալ-Մազինին եղել է Ալեքսանդրիայի «Նեղոսի հովիտ» (արաբ․՝ وادي النيل‎‎՝ Ուադի ան-Նիլ) թերթի խմբագիրը։ Առաջին աշխարհամարտից հետո Ալ-Մազինին դառնում է Վաֆդ կուսակցության անդամ։ Մազինին իր գրաքննադտական հոդվածներում ընդգծում էր պոեզիայի «նորացման» անհրաժեշտությունը և քննադատում էր Հաֆիզ Իբրահիմի ավանդականությունը։ Նա կոչ էր անում ճշմարիտ կերպով պատկերել մարդկային զգացմունքները, բնությունը և շրջապատող իրականությունը։

Ալ-Մազինիի առաջին արձակ ստեղծագործությունները գրվում են 1920-ական թվականների կեսերին։ Իր առաջին նորավեպը՝ «Գրող Իբրահիմը» (արաբ․՝ ابراهم الكاتب‎‎՝ Իբրահիմ ալ-քաթիբ) գրվում է 1925-1926 թվականներին, սակայն լույս տեսնում 1931 թվականին։ 1935 թվականին նա գրում է «Սարդոստայն» (արաբ․՝ خيوط العنكبوت‎‎՝ խույուտ ալ-անքաբութ), 1937 թվականին՝ «Ճանապարհին» (արաբ․՝ في الطريق‎‎՝ ֆի ալ-տարիկ)։ Կյանքի վերջին տարիներին ընտրվում է Դամասկոսի ակադեմիայի և Կահիրեի արաբերենի ակադեմիայի անդամ։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 datos.bne.es (իսպ.): El portal de datos bibliográficos de la Biblioteca Nacional de España — 2011.
↑ ^3,0 ^3,1 ^3,2 Swartz A. Open Library — 2007.

Գրականություն

Крымский А.Е. История новой арабской литературы (XIX - начало XX века). М, 1971.
Сафронов В.В. Новая арабская литература. М., 1996.
Ходжаева Р.У. Очерки развития египетской поэзии. Ташкент, 1985.
Badawi, M.M. A Critical Introduction to Modern Arabic Poetry, Cambridge, 1992

Արտաքին հղումներ

Իբրահիմ ալ-Մազինի, արաբերեն(չաշխատող հղում)
Իբրահիմ ալ-Մազինի, արաբերեն Արխիվացված 2014-04-29 Wayback Machine

Վիքիպահեստն ունի նյութեր, որոնք վերաբերում են «Իբրահիմ ալ-Մազինի» հոդվածին։

[_6c9dee8e8f4cb2b0-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_ee04afeb0dd4db62-2] 2,0 ^2,1 ^2,2 ^2,3 ^2,4 datos.bne.es (իսպ.): El portal de datos bibliográficos de la Biblioteca Nacional de España — 2011.

[_d84461f704ec7199-3] 3,0 ^3,1 ^3,2 Swartz A. Open Library — 2007.

[1]