Ժան-Ժոզեֆ Սանֆուրշ

Ժան-Ժոզեֆ Սանֆուրշ; ֆր.՝ Jean-Joseph Sanfourche
Ծնվել է	հունիսի 25, 1929[…]
Ծննդավայր	Բորդո
Վախճանվել է	մարտի 13, 2010 (80 տարեկան)
Մահվան վայր	Սեն Լեոնարդ դե Նոբլատ
Քաղաքացիություն	Ֆրանսիա
Մասնագիտություն	նկարիչ, քանդակագործ և դիզայներ
Պարգևներ

Ժան-Ժոզեֆ Սանֆուրշ (ֆր.՝ Jean-Joseph Sanfourche, հունիսի 25, 1929(1929-06-25)^[1]^[2]^[3]^[…], Բորդո^[4] - մարտի 13, 2010(2010-03-13)^[1]^[4], Սեն Լեոնարդ դե Նոբլատ^[4]), ֆրանսիացի նկարիչ, բանաստեղծ, դիզայներ և քանդակագործ։

Կենսագրություն

Ծնվել է Բորդոյում 1929 թվականի հունիսի 25-ին։ Երբ Ժան-Ժոզեֆը 4 տարեկան էր, ընտանիքը տեղափոխվեց Ռոշֆոր քաղաք՝ ծովափնյա Շարանտի դեպարտամենտ։ Արթուրը՝ Ժան Ժոզեֆի հայրը, մեխանիկ ու գծագրիչ էր, և հենց ինքը տվեց նրան իր առաջին գեղարվեստական վարպետության դասերը։ 1942 թվականին՝ Երկրորդ համաշխարհային պատերազմի բռնկումից և նացիստների կողմից Ֆրանսիայի օկուպացիայից հետո, ընտանիքը ձերբակալվեց գեստապոյի կողմից։ 1943 թվականին հայրը գնդակահարվել է, Իսկ Ժան-Ժոզեֆն ու մայրը ազատ են արձակվել և աքսորվել Լիմոժ քաղաք։ Այստեղ նա ապրել է մինչև չափահաս դառնալը՝ սովորելով հաշվապահություն և միաժամանակ փայտի փորագրություն և նկարչություն պետական արհեստագործական ուսումնարանում։ Չնայած աչքի աճող հիվանդությանը, որը նրան ժամանակի ընթացքում հաշմանդամ է դարձրել, սկսել է զբաղվել նաև գեղանկարչությամբ^[5]^[6]^[7]։

Հասուն տարիքում տեղափոխվել է Փարիզ, որտեղ որոշ ժամանակ անց դարձել է տեքստիլ գործարանի տեխնիկական տնօրեն, իսկ արդեն քսանհինգ տարեկան հասակում՝ կարի արտադրության ղեկավար։ Արդյունաբերական ոլորտում 20 տարի աշխատելուց հետո անցել է քաղաքացիական ծառայության և որոշ ժամանակ աշխատել է Ֆրանսիայի արտաքին գործերի նախարարությունում։ Հետագայում բնակվել է իր մանկության քաղաքում ՝ Լիմոժում, իսկ 1975 թվականից՝ ոչ հեռու գտնվող Սեն Լեոնար դե Նոբլա փոքրիկ քաղաքում։ 1992 թվականին Ֆրանսիայի նախագահ Ֆրանսուա Միտերանը նրան դարձրեց Պատվո լեգեոնի շքանշանի ասպետ^[5]^[6]^[7]։

Մահացել է 2010 թվականի մարտի 13-ին՝ 80 տարեկան հասակում, Սեն Լեոնար դե Նոբլա քաղաքի հիվանդանոցում^[5]։

Ստեղծագործություն

Ժան-Ժոզեֆ Սանֆուրշը գեղարվեստական կրթություն չուներ և իր մասին ասում էր. «Ես նկարիչ չեմ, այլ մարդ, ով արվեստի եզրին բաներ է անում»^[7]։

Նա Ար բրյուտ արվեստի շարժման նշանավոր ներկայացուցիչն էր։ Արդեն 6 տարեկանում նա սկսեց նկարել, իսկ ավելի ուշ գեղարվեստական ստեղծագործությունը դարձրեց իր կյանքի հիմնական զբաղմունքը։ Սանֆուրշը բազմակողմանի հեղինակ էր, նա գրաֆիկական և գեղանկարչական աշխատանքների, քարից, փայտից և բրոնզից պատրաստված քանդակների հեղինակ է։ 1960-ական թվականների վերջից նա օգտագործել է անսովոր նյութեր, ինչպիսիք են կայծքարն ու ոսկորը, որոնց վրա պատկերել է փոքրիկ գունավոր մարդկանց։ Սանթուրշի աշխատանքները գտնվում են բազմաթիվ թանգարաններում և մասնավոր հավաքածուներում, որոնց թվում են Լոզանի Ար-բրյուտի հավաքածուն, Փարիզի ժամանակակից արվեստի թանգարանը, Բրյուսելի գեղարվեստի պալատը և այլն^[5]^[6]^[7]։

Ժան-Ժոզեֆ Սանֆուրշը համագործակցել և սերտ շփվել է բազմաթիվ հայտնի արվեստագետների հետ, որոնց թվում են նկարիչ Գաստոն Շեսակը, գրող Անտոնեն Արտոն, քանդակագործ Ժան Դյուբյուֆեն^[5]^[6]։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Benezit Dictionary of Artists — OUP, 2006. — ISBN 978-0-19-977378-7
↑ ^3,0 ^3,1 Delarge J. Le Delarge (ֆր.) — Paris: Gründ, Jean-Pierre Delarge, 2001. — ISBN 978-2-7000-3055-6
↑ ^4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 Fichier des personnes décédées mirror
↑ ^5,0 ^5,1 ^5,2 ^5,3 ^5,4 ^5,5 G. C (2010 թ․ մարտի 27). «Jean-Joseph Sanfourche». Le Monde (ֆրանսերեն). Արխիվացված է օրիգինալից 2021 թ․ նոյեմբերի 27-ին. Վերցված է 2022 թ․ փետրվարի 14-ին.
↑ ^6,0 ^6,1 ^6,2 ^6,3 ^6,4 «Sanfourche, Jean Joseph». Collection de l'art brut. Lausanne (ֆրանսերեն). Արխիվացված օրիգինալից 2021 թ․ դեկտեմբերի 1-ին. Վերցված է 2022 թ․ փետրվարի 14-ին.
↑ ^7,0 ^7,1 ^7,2 ^7,3 ^7,4 Turhan Demirel (2017 թ․ դեկտեմբերի 19). «Serie Outsiderkunst: Sanfourche (1929-2010)». Eppendorfer (գերմաներեն). Արխիվացված օրիգինալից 2021 թ․ դեկտեմբերի 20-ին. Վերցված է 2022 թ․ փետրվարի 15-ին.

Գրականություն

«Sanfourche, Jean-Joseph». Benezit Dictionary of Artists (անգլերեն). Oxford University Press.

[_6c622ef7a15fa871-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_145f039e555d1bdc-2] 2,0 ^2,1 Benezit Dictionary of Artists — OUP, 2006. — ISBN 978-0-19-977378-7

[_3cd051f9b82843a0-3] 3,0 ^3,1 Delarge J. Le Delarge (ֆր.) — Paris: Gründ, Jean-Pierre Delarge, 2001. — ISBN 978-2-7000-3055-6

[_9e8c0f67d906f459-4] 4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 Fichier des personnes décédées mirror

[lemonde-5] 5,0 ^5,1 ^5,2 ^5,3 ^5,4 ^5,5 G. C (2010 թ․ մարտի 27). «Jean-Joseph Sanfourche». Le Monde (ֆրանսերեն). Արխիվացված է օրիգինալից 2021 թ․ նոյեմբերի 27-ին. Վերցված է 2022 թ․ փետրվարի 14-ին.

[lausanne-6] 6,0 ^6,1 ^6,2 ^6,3 ^6,4 «Sanfourche, Jean Joseph». Collection de l'art brut. Lausanne (ֆրանսերեն). Արխիվացված օրիգինալից 2021 թ․ դեկտեմբերի 1-ին. Վերցված է 2022 թ․ փետրվարի 14-ին.

[eppendorfer-7] 7,0 ^7,1 ^7,2 ^7,3 ^7,4 Turhan Demirel (2017 թ․ դեկտեմբերի 19). «Serie Outsiderkunst: Sanfourche (1929-2010)». Eppendorfer (գերմաներեն). Արխիվացված օրիգինալից 2021 թ․ դեկտեմբերի 20-ին. Վերցված է 2022 թ․ փետրվարի 15-ին.

[1]