Էռնստ Բեյելեր
Էռնստ Բեյելեր | |
---|---|
Ծնվել է | հուլիսի 16, 1921[1][2][3][…] |
Ծննդավայր | Բազել, Շվեյցարիա |
Մահացել է | փետրվարի 25, 2010[1][2][3][…] (88 տարեկան) |
Մահվան վայր | Ռիեհեն, Բազել Շտադտ, Շվեյցարիա կամ Բազել, Շվեյցարիա[4] |
Գերեզման | Ամ Հյորնլի |
Քաղաքացիություն | Շվեյցարիա |
Կրթություն | Բազելի համալսարան |
Մասնագիտություն | արվեստի կոլեկցիոներ, նկարների վաճառող, մեկենաս, gallerist, հավաքորդ և վաճառական |
Ամուսին | Hildy Beyeler? |
Պարգևներ և մրցանակներ | |
Ernst Beyeler Վիքիպահեստում |
Էռնստ Բեյելեր (գերմ.՝ Ernst Beyeler, հուլիսի 16, 1921[1][2][3][…], Բազել, Շվեյցարիա - փետրվարի 25, 2010[1][2][3][…], Ռիեհեն, Բազել Շտադտ, Շվեյցարիա և Բազել, Շվեյցարիա[4]), շվեյցարացի արվեստի դիլեր և արվեստի գործերի հավաքորդ, որը, ըստ «Նյու Յորք Թայմս»-ի, եղել է «ժամանակակից արվեստի բնագավառում ականավոր եվրոպական դիլեր», իսկ «The Daily Telegraph»-ը նրան անվանել է «պատերազմի ժամանակներից ի վեր արվեստի գործերի մեծագույն վաճառական»։ 1982 թվականին նա և նրա կինը հիմնադրել են Բեյելերի հիմնադրամը, որը ցուցադրել է նրանց մասնավոր հավաքածուն, որը նրա մահից հետո գնահատվել է 1,85 մլրդ ԱՄՆ դոլար։
Վաղ տարիներ
[խմբագրել | խմբագրել կոդը]Էռնստ Բեյելերը ծնվել է 1921 թվականի հուլիսի 16-ին Բազելում (Շվեյցարիա)[5]՝ Շվեյցարական երկաթուղիների աշխատակցի ընտանիքում[6]։ Բարձրագույն կրթություն է ստացել Բազելի ինստիտուտում, որտեղ ուսումնասիրել է արվեստի պատմություն և տնտեսագիտություն[7]։
Կարիերա
[խմբագրել | խմբագրել կոդը]Բեյելերն ի սկզբանե մտադիր էր տնտեսագետ դառնալ, սակայն Երկրորդ համաշխարհային պատերազմի սկսվելը նրան խանգարել է լքել Շվեյցարիան, փոխարենը նա դարձել է Օսկար Շլոսսի աշակերտը, որը հնահավաք-գրավաճառ էր Բազելում։ Երբ 1945 թվականին Շլոսսը մահացել է, 24 տարեկանում Բեյելերը գլխավորել է նրա ընկերությունը։ Նա աստիճանաբար անցում է կատարել գեղարվեստական ստեղծագործությունների առևտրին և ընդամենը երկու տարի անց անցկացրել է իր առաջին ցուցահանդեսը (ճապոնական փորագրություն փայտի վրա)[5][6][7]։
Նրա կարիերայում առանցքային իրադարձություն է դարձել 1960-ական թվականների սկզբին ամերիկացի բանկիր, ձեռնարկատեր և արվեստի գործերի հավաքորդ Ջորջ Դեյվիդ Թոմփսոնից 340 արվեստի գործի գնումը։ Նրա համավածուն իր մեջ ներառում էր Ժորժ Բրաքի, Պոլ Սեզանի, Պաուլ Կլեեի, Ֆերնան Լեժեի, Անրի Մատիսի, Կլոդ Մոնեի, Պաբլո Պիկասոյի և Պիտ Մոնդրիանի ստեղծագործությունները>[7]։ Բեյերը Թոմփսոնից գնել է նաև Ալբերտո Ջակոմետիի 70 աշխատանք, որոնք գտնվում էին Գեղարվեստի թանգարանում, Բազելի գեղարվեստի թանգարանում և Վինտերտուրի գեղարվեստի թանգարանում[8]։
Բեյելերը սերտ հարաբերություններ ուներ 20-րդ դարի շատ մեծ նկարիչների հետ[5]։ Նա Պիկասոյի հետ ընկերացել է 1950-ական թվականներին, և երբ նա 1966 թվականին նա այցելել է Մուժեն, Պիկասոն թույլ է տվել նրան վաճառքի համար ընտրել իր նկարներից 26-ը[7]։
1973 թվականին Բեյելերը 180 000 ԱՄՆ դոլար է վճարել Վիլեմ դե Կունինգի «Ոստիկանական թերթ» աբստրակտ բնապատկերի համար․ այդ գումարը այդ պահին ռեկորդային է դարձել նկարչի համար։ 1989 թվականին շվեյցարացի արտ-դիլերը 14,7 մլն դոլարով ձեռք է բերել Ֆերնան Լեժեի «Ձևերի հակադրություն» կուբիստական նկարը[6], ինչը նաև այդ ժամանակ Լեժեի համար էր ռեկորդային գին իր ստեղծագործության համար։ Վերջնական հաշվով Բեյելերի արվեստի ստեղծագործությունների հավաքածուն արժեցել է ոչ պակաս, քան 2 միլիոն շվեյցարական ֆրանկ[7]։ 2010 թվականին «The Washington Post»-ը հայտնել է, որ նրա հավաքածուն «արժե ոչ պակաս, քան 1,85 միլիարդ դոլար»[9]։
1982 թվականին իր մասնավոր հավաքածուն ցուցադրելու նպատակով կնոջ և գործընկերոջ՝ արտ-դիլեր Հիլդա Կունցի հետ հիմնադրել է Բեյելերների հիմնադրամը[6]։
Անձնական կյանք
[խմբագրել | խմբագրել կոդը]1948 թվականին Բեյելերը ամուսնացել է Հիլդա Կունցի հետ (1922-2008)[7]։
Մահ
[խմբագրել | խմբագրել կոդը]Բեյելերը մահացել է 2010 թվականի փետրվարի 25-ին Բազելից ոչ հեռու գտնվող իր տանը[9]։ Զավակներ չուներ[9]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Internet Movie Database — 1990.
- ↑ 2,0 2,1 2,2 2,3 2,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 3,0 3,1 3,2 3,3 3,4 RKDartists (նիդերլ.)
- ↑ 4,0 4,1 4,2 Չեխիայի ազգային գրադարանի կատալոգ
- ↑ 5,0 5,1 5,2 «A Passion for Art». University of Chicago Press. Արխիվացված է օրիգինալից 2021 թ․ հունվարի 21-ին. Վերցված է 21 сентября 2019-ին.
- ↑ 6,0 6,1 6,2 6,3 Grimes, William (26 февраля 2010). «Ernst Beyeler, Top Dealer of Modern Art, Dies at 88». nytimes. Վերցված է 21 сентября 2019-ին.
- ↑ 7,0 7,1 7,2 7,3 7,4 7,5 «Ernst Beyeler». Daily Telegraph. 26 февраля 2010. Վերցված է 21 сентября 2019-ին.
- ↑ Shearing, Graham (весна-лето 2006). «Missing Links». Pittsburgh Quarterly. Արխիվացված է օրիգինալից 26 сентября 2015-ին. Վերցված է 21 сентября 2019-ին.
- ↑ 9,0 9,1 9,2 Engeler, Eliane (28 февраля 2010). «Modern art collector Ernst Beyeler dies». Washington Post. Վերցված է 21 сентября 2019-ին.
Վիքիպահեստն ունի նյութեր, որոնք վերաբերում են «Էռնստ Բեյելեր» հոդվածին։ |
|