Վիքիպեդիայից՝ ազատ հանրագիտարանից
Դրյո (ֆր.՝ Dreux), քաղաք Ֆրանսիայում՝ Էր և Լուար (Օռլեան) դեպարտամենտում, Բլեզ գետի ափին, Փարիզից 74 կիլոմետր դեպի արևմուտք։
Դրյոյի քաղաքային ագլոմերացիան բաղկացած է 78 համայնքից, որոնցում ընդհանուր առմամբ ապրում է մոտավորապես 112. 000 մարդ[4]։
Դրյոն հին քաղաք է, որտեղ պահպանվել են պատմա-ճարտարապետական մի շարք հուշարձաններ. միջնադարյան ամրոցի մնացորդներ, Օռլեանյան ազնվականական տոհմի հանգստարան ծառայած մատուռ, Լյուդովիկոս 16-րդի տաղավարը և այլն։ Պատմական փաստաթղթերում Դրյոյի մասին առաջին հավաստի հիշատակումը վերաբերում է IV դարին։ Բնակավայրը հնում համբավվել է երկաթե ու կաշվե ապրանքների, գլխարկների, մոմերի արտադրությամբ։ 1562 թվականին այստեղ տեղի է ունեցել կրոնական առաջին պատերազմներից մեկը (իշխան Կոնդեի ու ծովակալ Կոլինյիի հրամանատարությամբ կռվող բողոքականների զորքի և դուքս դը Գիզի հրամանատարությամբ մարտնչող կաթոլիկների բանակի միջև. վերջիններս ջախջախիչ հաղթանակ են տարել, իշխան Կոնդեն էլ գերեվարվել է)։ Ֆրանսիայի արքա Հենրիխ 4-րդը 1593 թվականին գրոհով գրավել է Դրյոն։ 1870 թվականին գերմանական զորքը Մակլենբուրգի մեծ դուքս Ֆրիդրիխ Ֆրանց 2-րդի հրամանատարությամբ համառ կռվով տիրել է Դրյոյին։
Script error: No such module "Բնակչությունն ըստ թվականների".
Դրյոն բարեկամական սերտ կապեր է հաստատել հետևյալ քաղաքների հետ[5]
Իտալիա, Տոդի, 1960 թվականից
Գերմանիա, Մելզունգեն, 1966 թվականից
Բուրկինա Ֆասո, Կուդուգու, 1972 թվականից
Անգլիա, Իվիսեմ, 1977 թվականից- Գերմանիա, Բաուտցեն, 1992 թվականից
Պորտուգալիա, Ալմեյրին, 2018 թվականից
Ֆրանսիա.svg)
.jpg)
