Գնկոր նրբագեղ
| Գնկոր նրբագեղ | |
 Գնկոր նրբագեղ | |
| Դասակարգում | |
| Թագավորություն | Բույսեր (Plantae) |
| Վերնաբաժին | Բարձրակարգ բույսեր (Embryophytes) |
| Տիպ/Բաժին | Անոթավոր բույսեր (Tracheophytes) |
| Ենթատիպ | Սերմնավոր բույսեր (Spermatophytes) |
| Կարգ | Հացածաղկավորներ (Poales) |
| Ընտանիք | Հացազգիներ (Poaceae) |
| Ցեղ | Գնկոր (Aira) |
| Տեսակ | Գնկոր նրբագեղ (A. elegantissima) |
| Միջազգային անվանում | |
| Aira elegantissima | |
Գնկոր նրբագեղ (լատին․՝ Aira elegantissima), հացազգիների ընտանիքին պատկանող ծածկասերմ բույս, որը գրանցված է Հայաստանի Կարմիր գրքում։
Նկարագրություն
[խմբագրել | խմբագրել կոդը]40 սմ երկարությամբ, բարակ հարթ ցողուններով միամյա խոտաբույս է։ Տերևապատյանները անհարթ են, համարյա մինչև հիմքը ճեղքված։ Ծաղկաբույլը՝ հուրանը, փռված ճյուղիկներով է և ունի 3-10 սմ երկարություն։ Հասկիկները 2 ծաղիկներով են, իսկ 1,5 մմ երկարությամբ ստորին ծաղկային թեփը` գորշավուն, ծնկաձև քիստով[1]։
Տարածվածություն
[խմբագրել | խմբագրել կոդը]Հայաստանում հանդիպում է Իջևանի (Բագրատաշենի շրջակայք) և Մեղրու (Ագարակի շրջակայք ) ֆլորիստիկական շրջաններում։ Աճում է նաև Անդրկովկասում, Եվրոպայում, միջերկրածովյան ավազանում, Հյուսիսային Իրանում և Միջին Ասիայում։ Ներմուծված է Հյուսիսային Ամերիկա[1]։
Էկոլոգիա
[խմբագրել | խմբագրել կոդը]Աճում է ստորին լեռնային գոտում, ծովի մակարդակից 400-1000 մ բարձրությունների վրա, ավազոտ տեղերում, քարքարոտ լանջերին, շիբլյակում և նոսրանտառներում։ Ծաղկում է ապրիլ-մայիս ամիսներին, պտղաբերում՝ մայիս-հունիսին[1]։
Պահպանություն
[խմբագրել | խմբագրել կոդը]Վտանգված տեսակ է։ Տարածման և բնակության շրջանների մակերեսը 10 կմ²-ից պակաս է։ Քանի որ տեսակի տարածման հիմնական մասը գտնվում է Հայաստանից դուրս, սպառնալիքի կատեգորիան նվազեցվել է։ Ընդգրկված չէ Հայաստանի Կարմիր գրքի առաջին հրատարակության մեջ, CITES–ի և Բեռնի կոնվենցիայի հավելվածներում։
Պահպանության միջոցառումներ չեն իրականացվում[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Գնկոր նրբագեղ» հոդվածին։ |
 | Վիքիպահեստն ունի նյութեր, որոնք վերաբերում են «Գնկոր նրբագեղ» հոդվածին։ |
|
|