Գագիկ Ջհանգիրյան

Գագիկ Ջհանգիրյան
Ծնվել է	ապրիլի 16, 1955(1955-04-16) (69 տարեկան) կամ մարտի 6, 1955(1955-03-06) (69 տարեկան)
Ծննդավայր	Արարատ, Արարատի շրջան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	ԵՊՀ իրավաբանական ֆակուլտետ
Գիտական աստիճան	իրավաբանական գիտությունների թեկնածու
Մասնագիտություն	իրավաբան և պետական գործիչ

Գագիկ Վրեժի Ջհանգիրյան (ապրիլի 16, 1955(1955-04-16) կամ մարտի 6, 1955(1955-03-06), Արարատ, Արարատի շրջան, Հայկական ԽՍՀ, ԽՍՀՄ), հայ պետական գործիչ, իրավագետ, իրավաբանական գիտությունների թեկնածու, ՀՀ զինվորական նախկին դատախազ (1997-2006), ՀՀ գլխավոր դատախազի նախկին տեղակալ (2006-2008)^[1][2]։

1972-1977 թվականներին սովորել է Երևանի պետական համալսարանի իրավաբանության ֆակուլտետում։ Որպես գիտաշխատող աշխատել է Հայաստանի գիտությունների ազգային ակադեմիայի փիլիսոփայության և իրավունքի ինստիտուտում։ 1979-1983 թվականներին սովորել է Մոսկվայի Համամիութենական դատախազության ինստիտուտում։ 1983 թվականին պաշտպանել է գիտական թեզը «Ժամանցի ոլորտի հանցավորության քրեաբանական պրոբլեմները» թեմայով և ստացել իրավաբանական գիտությունների թեկնածուի գիտական աստիճան^[2]։

1990-1997 թվականներին եղել է ՀՀ արդարադատության նախարարության դատական մարմինների վարչության պետ, նախարարի առաջին տեղակալ, 1997-2006 թվականներին՝ ՀՀ զինվորական դատախազ, ՀՀ գլխավոր դատախազի տեղակալ, 2006-2008 թվականներին` ՀՀ գլխավոր դատախազի տեղակալ։

2012 թվականի մայիսի 6-ին «Հայ ազգային կոնգրես» կուսակցությունների դաշինքի համամասնական ցուցակով ընտրվել է ԱԺ պատգամավոր^[3]։

• Արդարադատության առաջին դասի պետական խորհրդական։

Ամուսնացած է, ունի երեք զավակ։

դ ք խ Հայաստանի զինվորական դատախազները Հայաստան Վաղարշակ Վարդանյան (1992-1996) • Գևորգ Մարգարյան (1996-1997) • Գագիկ Ջհանգիրյան (1997-2006) • Արմեն Խաչատուրյան (2006-2011) • Գևորգ Կոստանյան (2011-2013) • Արտավազդ Հարությունյան (2013-ից)