Բոբինգեն

Բոբինգեն
Բնակավայր
	Բոբինգեն
	Զինանշան
Երկիր	Գերմանիա
Համայնք	Աուգսբուրգ
Մակերես	50,25 կմ²
ԲԾՄ	521 մետր
Բնակչություն	▼18 022 մարդ (դեկտեմբերի 31, 2023)
Ժամային գոտի	UTC+1 և UTC+2
Հեռախոսային կոդ	08234
Փոստային դասիչ	86399
Ավտոմոբիլային կոդ	A
Պաշտոնական կայք	stadt-bobingen.de
	Բոբինգեն (Գերմանիա)
	Բոբինգեն (Գերմանիա)
	Բոբինգեն Վիքիպահեստում

Բոբինգեն (գերմ.՝ Bobingen), քաղաք Գերմանիայում, Բավարիա երկրամասում։

Մտնում է Աուգսբուրգի շրջանի կազմի մեջ։ Գտնվում է Շվաբիա վարչական շրջանի ենթակայության տակ։ Բնակչությունը 16 468 մարդ է (ըստ 2010 թվականի դեկտեմբերի 31ի տվյալների)^[2]։ Տարածքը 50,45 կմ² է։ Պաշտոնական կոդը՝ 09 7 72 125։

Քաղաքը ստորաբաժանվում է 6 քաղաքային համայնքների։

Պատմություն

Այն ժամանակ, երբ Բոբինգենի վայրում ապրում էին ալեմանները, նրանք կոչում էին բնակավայրը Ռովո։ Ամենայն հավանականությամբ դա նրանց ցեղապետի անունն էր։ Առաջին անգամ այդ անունը հիշատակվել է 506 թվականին։ 993 թվականին ժամանակագրության նշվում էր "Pobinga" անունը, որ նշանակում է «մարդ Ռովոյից»։ "Pobinga" անունը աստիճանաբար վերափոխվեց Bobingen։ Բոբինգենը այդ ժամանակ աուգսբուրգյան արքեպիսկոպոսների նստավայրն էր։ 1803 թվականին Բոբինգենն անցնում է բավարական թագավորության իրավասության ներքո։ 1847 թվականին Լինդաուից մինչև Հոֆ երկաթգծի կառուցումը Բոբինգեն բերեց առաջին շոգեքարշները։ Դրանից կես դար անց՝ 1899 թվականին, Բոբինգենում ստեղծվեց առաջին արտադրական ընկերությունը․ արհեստական մետաքսի արտադրության գործարան։ Եվս կես դար անց՝ 1953 թվականին, Բոբինգենը աճեց Markt կարգավիճակի, և միայն 1969 թվականին նա ստացավ քաղաքի իրավունք և կարգավիճակ։

Տեսարժան վայրերը

1972 թվականին Բոբինգենում հայտնվեց սեփական Stadthalle–ը, որը դարձավ քաղաքի մշակութային կենտրոնը։ Բոբինգենում կա հինգ վանք։ Վանքերը ոչ միայն քրիստոնեական են, այլև մուսուլման։ Բացի մզկիթից, որ ստեղծվել է վերջերս, քաղաքը զբոսաշրջիկներին կարող է հպարտությամբ ներկայացնել Սուրբ Վոլֆգանգի եկեղեցին (St. Wolfgang- und Wendelin-Kapelle), Սուրբ Ֆելիցիայի եկեղեցին (St. Felizitas), Սուրբ Մարիայի եկեղեցին (Rokoko-Wallfahrtskirche Mariae Himmelfahrt) և Ավետարանչական եկեղեցին (Evangelische Dreifaltigkeitskircһе)։

Բացի եկեղեցիներից՝ Բոբինգենի հին կենտրոնում թաքնված են մի քանի հրաշալի առանձատներ, որ տեղի բնակիչն երի կողմից անվանվել են պալատներ՝ Ստորին, Վերին և Միջին (Unteres Schlösschen, Oberes Schlösschen, Mittleres Schlösschen)։ Կան նաև երեք փոքր պալատներ՝ Սուրբ Խաչը (Heilig-Kreuz-Schlösschen), Կոզիմոնոն (Cosimosinisches Schlösschen) և Շտաուդենների տունը (Stauden-Haus)։

Դեռ հնուց քաղաքում կան երկու ալրաղացներ՝ Միջին և Վերին։ Կան նաև հնամյա գարեջրատներ և նման վայրեր, իհարկե, հնության համուհոտով։