Բարսեղ Կանաչյանի անվան թիվ 17 արվեստի դպրոց

Բարսեղ Կանաչյանի անվան թիվ 17 արվեստի դպրոց
Տեսակ	դպրոց
Հիմնադրված է	1986
Անվանված է	Բարսեղ Կանաչյան
Տնօրեն	Արմինե Մուրադյան
Աշակերտներ	400
Երկիր	Հայաստան
Տեղագրություն	Երևան
Հասցե	Տիգրան Մեծի 34
Կայք	kanachyan17.am

Երևանի Բարսեղ Կանաչյանի անվան արվեստի դպրոց, կրթադաստիարակչական ուսումնական հաստատություն Երևանի Կենտրոն վարչական շրջանում։

Երևանի Բարսեղ Կանաչյանի անվան արվեստի դպրոցը հիմնադրվել է 1986 թվականին։ Նախապես եղել է երաժշտական դպրոց, ունեցել է դաշնամուրային, լարային, փողային, հարվածային գործիքների բաժիններ։

1991 թվականին դպրոցում կազմավորվել է կամերային նվագախումբ դասատուների մասնակցությամբ (ղեկավար՝ Մերուժան Սիմոնյան, I ջութակ՝ Աշոտ Երիցյան)։ Նվագախումբն անվանի երաժիշտների հետ համերգներով հանդես է եկել տարբեր համերգասրահներում (Սվետլանա Նավասարդյան, Յուրի Հայրապետյան, Մեդեա Աբրահամյան և այլն)։ 1992 թվականին դպրոցը համերգներով հանդես է եկել Ֆրանսիայում, Լեհաստանում, Գերմանիայում։

2000 թվականին դպրոցն անվանակոչվել է հայ անվանի երաժիշտ, երգահան, մանկավարժ և խմբավար Բարսեղ Կանաչյանի անունով։

2004 թվականից դպրոցը վերակազմավորվել և դարձել է արվեստի դպրոց^[1]։

Դպրոցում գործում են հետևյալ բաժինները՝

• Դաշնամուրային բաժին
• Լարային բաժին
• Ժողովրդական նվագարանների բաժին
• Փողային նվագարանների բաժին
• Թատերական բաժին
• Վոկալ բաժին
• Հարվածային գործիքների բաժին
• Պարարվեստի բաժին
• Գեղարվեստի բաժին
• Ընդհանուր գեղագիտական զարգացման բաժին

• 1986-1991 թվականներին՝ Էմմա Հարությունյան
• 1991-2001 թվականներին՝ Աշոտ Երիցյան
• 2001-2002 թվականներին՝ Արմինե Բադեյան
• 2003 թվականից՝ Արմինե Մուրադյան