Ախոռ (Խարբերդի գավառ)

Անվան այլ կիրառումների համար տե՛ս՝ Ախոռ (այլ կիրառումներ)

Ախոռ, գյուղ Արևմտյան Հայաստանում, Խարբերդի վիլայեթի Խարբերդի գավառում, Արածանիի ձախ ափին, Խարբերդից 22 կմ արևելք։

Ախոռի բնակիչները 1915 թվականի Մեծ եղեռնի ժամանակ տեղահանվեցին և քշվեցին Դեր Զորի անապատը, որտեղ մեծ մասը կոտորվեց, մի մասն էլ զոհ գնաց սովին։ Աղետից փրկվեցին ընդամենը 10 հոգի, որոնք բնակվեցին Հալեպում։

1872-1873 թվականներին ուներ 71 տուն՝ 286 հայ բնակչով։ Առաջին համաշխարհային պատերազմի նախօրեին ուներ 100 տուն՝ 800 հայ և 60 տուն՝ մոտ 300 քուրդ բնակչով։

Բնակչության հիմնական զբաղմունքը երկրագործությունն ու անասնապահությունն էր։

Ախոռն ուներ Ս. Գևորգ անունով եկեղեցի։ Ըստ Էփրիկյանի եկեղեցին կոչվում էր Ս. Աստվածածին^[1]։

Գյուղում գործում էր վարժարան։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 201)։