Ալիղամարլու
| Գյուղ | ||
|---|---|---|
| Ալիղամարլու | ||
| Երկիր |  Թուրքիա | |
| Համայնք | Իգդիր | |
| Այլ անվանումներ | Ալի-Ղարմալու, Ալեղամար, Ալիկամարլու, Ալիղամար, Ալիքամարլու, Ալիքեմերլու | |
| Բնակչություն | 1045 մարդ (XX դար) | |
| Ազգային կազմ | Հայեր (մինչև Մեծ եղեռնը) | |
| Կրոնական կազմ | Քրիստոնյա (մինչև 1920) | |
| Տեղաբնականուն | ալիղարմալուեցի | |
| Ժամային գոտի | UTC+3 և TRS? | |
| ||
Ալիղամարլու, գյուղ Արևելյան Հայաստանում, Երևանի նահանգի Սուրմալուի գավառում, Իգդիր գյուղաքաղաքից փոքր-ինչ հյուսիս-արևելք։
XIX դարի 30-ական թթ.-ին այստեղ էին գաղթել Պարսկահայաստանից` 64, իսկ Արևմտյան Հայաստանի տարբեր գավառներից 37 ընտանիք (514 բնակիչ) հայեր։ XX դարի սկզբին ուներ 1045 հայ բնակիչ (126 տուն)։
Ալիղամարլուի բնակչությունը հիմնականում զբաղվում էր երկրագործությամբ ու անասնապահությամբ։
Մինչև 1918 թ.-ը գյուղն ուներ հայկական եկեղեցի և դպրոց։ 1920 թ.-ին Ալիղամարլուի բնակիչների մեծ մասը գաղթել և բնակություն է հաստատել Արևելյան Հայաստանում։
Ալիղամարլուում է ծնվել Սովետական միության հերոս Վարդգես Ռուստամյանը (ծնվ. 1908 թ.)[1]։
Ծանոթագրություններ
[խմբագրել | խմբագրել կոդը]- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Գ] (խմբ. Մանուկյան Լ. Գ.), Երևան, «Երևանի համալսարանի հրատարակչություն», 1986, էջ 85 — 992 էջ։
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 174)։ 
|