Ֆիլոտոպսիս բնավորվող

Թագավորություն	Սնկեր
Ընտանիք	Pleurotaceae
Տեսակ	Ֆիլոտոպսիս բնավորվող

Լատիներեն անվանում

Phyllotopsis nidulans

Ֆիլոտոպսիս բնավորվող, (լատին․՝ Phyllotopsis nidulans) Pleurotaceae ընտանիքին պատկանող սունկ։ Գրանցված է Հայաստանի Կարմիր գրքում։

Նկարագրություն

Տհաճ հոտով և համով, ուտելի պտղամարմնով սունկ է, որի 3-10 սմ տրամագծով, թարմ վիճակում բոսորավարդագույն կամ նարնջադեղին, չորացած՝ դեղնաշագանակագույն գլխարկը թավշյա է, տափակ կամ ուռուցիկ։ Թույլ վարդագույն, դեղնավուն պտղամիսը զաֆրանադեղին է, չորացած վիճակում՝ սպիտակ։ Թիթեղները գլխարկի գույնից ավելի վառ են։ Ոտիկը բացակայում է։ Սպորափոշին բաց գորշավուն է։ Էլիպսաձև կամ լոբաձև, հարթ սպորները 5-6 x 2,5-3,5 մկմ են^[1]։

Տարածվածություն

Ընդհանուր արեալը ընդգրկում է Եվրոպան, Ասիան, Հյուսիսային Աֆրիկան, Հյուսիսային Ամերիկան, Հարավային Կովկասը (Վրաստան, Հայաստան)։ Հայաստանում հայտնաբերված է Իջևանի ֆլորիստիկական շրջանում՝ «Դիլիջան» ազգային պարկ^[1]։

Էկոլոգիա

Հայաստանում հանդիպում է հազվադեպ, 1600 մ բարձրության վրա, խմբերով, չորացած ծառերի ոստերի վրա, կաղնու-բոխու անտառներում, հոկտեմբեր ամսին։ Քսիլոտրոֆ է^[1]։

Պահպանություն

Հայաստանում պահպանվում է «Դիլիջան» ազգային պարկի համապատասխան էկոհամակարգերի կազմում։ Վտանգված տեսակ է^[1]։

Ծանոթագրություններ

↑ ^1,0 ^1,1 ^1,2 ^1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.

Վիքիպահեստն ունի նյութեր, որոնք վերաբերում են «Ֆիլոտոպսիս բնավորվող» հոդվածին։

[:0-1] 1,0 ^1,1 ^1,2 ^1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.

[1]