Անառակ թութակի վերադարձը (երկրորդ թողարկում)
 ռուս.՝ Возвращение блудного попугая | |
|---|---|
| Տեսակ | կարճամետրաժ մուլտիպլիկացիոն ֆիլմ |
| Ժանր | մանկական ֆիլմ և կինոկատակերգություն |
| Կերպարներ | Kesha? |
| Շարքի մասն է | Անառակ թութակի վերադարձը |
| Ռեժիսոր | Ալեքսանդր Դավիդով |
| Սցենարիստ | Ալեքսանդր Կուրլյանդսկի և Վալենտին Կարավաև |
| Հնչյունավորում | Գենադի Խազանով, Նատալյա Չենչիկ, Վյաչեսլավ Նևիննի և Նատալյա Չենչիկ |
| Բեմադրող նկարիչ | Անատոլի Սավչենկո |
| Երաժշտություն | Ալեքսանդր Ռասկատով |
| Երկիր |  ԽՍՀՄ |
| Լեզու | ռուսերեն |
| Ընկերություն | Սոյուզմուլտֆիլմ |
| Տևողություն | 9,45 րոպե |
| Շարք | Անառակ թութակի վերադարձը |
| Պրիկվել | The Return of the Prodigal Parrot? |
| Սիկվել | The Return of the Prodigal Parrot, Episode 3? |
| Թվական | 1987 |
| Պարգևներ | |
«Անառ��կ թութակի վերադարձը (երկրորդ թողարկում)»[1], «Անառակ թութակի վերադարձը» մուլտիպլիկացիոն սերիալի երկրորդ ֆիլմը։ Հարցազրույցներից մեկում մուլտֆիլմի սցենարի հեղինակ Ալեքսանդր Կուրլյանդսկին խոստովանել է, որ փորձել է աշխատել նոր ռեժիսորի հետ, քանի որ իր կարծիքով Վալենտին Կարավաևը «սառել է Կեշայի նկատմամբ»[2]։ Այնուամենայնիվ, նկարահանման ողջ ընթացքում սցենարիստը կոնֆլիկտի մեջ է եղել Ալեքսանդր Դավիդովի հետ և երրորդ սերիայի նկարահանումները շարունակել Կարավաևի հետ։ Մուլտֆիլմի հաջողության մասին վկայում են «Նիկա» մրցանակը և քննադատների արձագանքը[3]։
Կերպարներ
[խմբագրել | խմբագրել կոդը]Մուլտֆիլմի երկրորդ թողարկման մեջ հայտնվում է նոր հերոս՝ Կեշայի նոր տերը՝ նորաձև երիտասարդ ապահով ընտանիքից։ Հերոսը կանխամտածված կերպով ներկայացված է որպես Վերակառուցման ժամանակաշրջանի «Ոսկե երիտասարդության» ներկայացուցիչ։ Նա միշտ կրում է նորաձև հագուստ, ապրում է շքեղ տան մեջ, բայց դրա հետ մեկտեղ (ի հակադրություն Վովկայի) դաժան է ու անսիրտ։
Սյուժե
[խմբագրել | խմբագրել կոդը]Կիրակի առավոտյան Կեշան զբոսնում է շնիկի հետ։ Հանկարծ նա հանդիպում է իր հին ընկերներին՝ աղավնիներին և ագռավին։ Շնիկին կապելով աղբամանից՝ նա փորձում է հավաքվածներին զվարճացնելու միջոցով ուշադրություն գրավել։ Բայց կատվի հայտնվելը նոր ֆիրմային ջինսերով ավելի մեծ ոգևորություն է առաջացնում, քան իր ներկայացումը․ «Էյ դուք, գորշություն։ Սա բուբլ-գում է»։
Կատուն պարծենում է նոր նվագարկիչով։ Նրան նախանձելով՝ Կեշան վերադառնում է տուն և տեսարան սարքում տիրոջ մոտ, ինչից հետո հեռանում է տնից և փորձում վաճառել իրեն 1000 ռուբլիով։
Հանդիպելով Վովայի հարուստ հարևանին՝ Կեշան գնում է նրա հետ ապրելու։ Բայց կյանքը այդքան էլ քաղցր չի դասավորվում։ Երիտասարդը ծաղրում էր Կեշային, և թութակը պարտավոր էր ծառայել նրան։ Չհանդուրժելով դաժան վերաբերմունքը՝ Կեշան որոշում է հեռանալ, ինչի պատճառով տերը նրան վանդակի մեջ է գցում։ Օգտագործելով հեռուստատեսային ֆիլմերում տեսած հնարքները՝ Կեշան գիշերը ջարդում է վանդակը և պայթեցնում մուտքի դուռը։ Վթարի հետևանքով կոնտուզիա է ստանում և կորցնում գիտակցությունը։
Կեշան ուշքի է գալիս Վովկայի բնակարանում՝ ամբողջությամբ վիրակապված։ Տղան խնամում է նրան։ Կեշան պատմում է իր արկածների մասին, ինչպես միշտ, ճոխացնելով դեպքերը[4]։
Ստեղծողներ
[խմբագրել | խմբագրել կոդը]- Սցենարի հեղինակներ - Ալեքսանդր Կուրլյանդսկի, Վալենտին Կարավաև
- Կինոռեժիսոր - Ալեքսանդր Դավիդով
- Նկարիչ-բեմադրող - Անատոլի Սավչենկո
- Կինոօպերատոր - Ալեքսանդր Չեխովսկի
- Կոմպոզիտոր - Ալեքսանդր Ռասկատով
- Ձայնային օպերատոր - Վլադիմիր Կուտուզով
- Երաժշտական ձևավորում - Յու․ Մոիսեևա
- Նկարիչ-մուլտիպլիկատորներ - Օլգա Օռլովա, Դ․ Կուլիկով, Գ․ Զոլոտովսկայա
- Ռեժիսորի օգնական - Ե․ Չերյոմուշկինա
- Նկարիչներ - Ի․ Զարուբա, Վ․ Խարիտոնովա, Ե․ Տրոյանովա, Վ․ Բայրամով, Է․ Անտուշևա, Մ․ Սիկանովա
- Մոնտաժող - Ե․ Բելյավսկայա
- Խմբագիր - Ելենա Նիկիտկինա
- Նկարահանման խմբի տնօրեն - Ռ․ Սոկոլովա
Դերերի հնչյունավորողներ
[խմբագրել | խմբագրել կոդը]- Գենադի Խազանով - Կեշա թութակ
- Նատալյա Չենչիկ - Վովկա, ագռավ
- Վյաչեսլավ Նեվիննի - կատու, պատանի (նոր տեր) (ձայնային էֆեկտներ)
- Վլադիմիր Ֆերապոնտով (տիտրերում նշված չէ) - մարդ, ով հռհռոցից հետո արտասանեց․ «Սա բուբլ-գումն է»։
Երաժշտություն
[խմբագրել | խմբագրել կոդը]Բացի Ա․ Ռասկատովի բնօրինակ երաժշտությունից, մուլտֆիլմում հնչում են մեղեդիներ հայտնի երգերից, այդ թվում՝ վերափոխված տեքստերով։
- «Крыша дома твоего» (Յուրի Անտոնով)
- «You’re My Heart, You’re My Soul» (Modern Talking)
- «Без меня…» (երաժշտությունը՝ Ռայմոնդ Պաուլսի)
- «Паромщик» (երաժշտությունը՝ Իգոր Նիկոլաևի)
- «Soli» (երաժշտությունը՝ Տոտո Կուտունյոյի)
- «Вернисаж» (երաժշտությունը՝ Ռայմոնդ Պաուլսի)
- «Пусть всегда будет солнце!» (երաժշտությունը՝ Արկադի Օստրովսկու)
- «The Man Machine» (Kraftwerk)
Փաստեր
[խմբագրել | խմբագրել կոդը]- Նոր տիրոջ տանը Կեշայի դիտած ֆիլմերից մեկը «Խոցում հովանոցով» (1980) ֆրանսիական քրեական կատակերգություն էր։
Պարգևներ և մրցանակներ
[խմբագրել | խմբագրել կոդը]Մուլտֆիլմն արժանացել է «Նիկա» մրցանակի՝ որպես 1987 թվականի լավագույն մուլտիպլիկացիոն ֆիլմ։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Оригинальное написание названия в заставке мультфильма.
- ↑ Факт упоминается в статье «Мой учитель — любопытство» на сайте www.animator.ru
- ↑ По данным с сайта www.nashfilm.ru Արխիվացված 2010-01-10 Wayback Machine
- ↑ Изучение конфликтных ситуаций на материале мультфильма // Школьный психолог : Газета. — Москва: Первое сентября, 16.06.2009 — 30.06.2009. — № 12 (442).
Արտաքին հղումներ
[խմբագրել | խմբագրել կոդը]- Անառակ թութակի վերադարձը (երկրորդ թողարկում) մուլտֆիլմը «Անիմատոր.ռու» կայքում
- www.bcdb.com
- www.nashfilm.ru