Սեյդնայա

Սեյդնայա
Քաղաք
	Սեյդնայա
	արաբ․՝ صيدنايا‎‎
Երկիր	Սիրիա
Մուհաֆազա	Ռիֆ Դիմաշկի մարզ
Մինտակա	Ալ-Թելլի գավառ
Նահիյա	Սեյդնայայի շրջան
Հիմնադրված է	մ.թ.ա. 6-րդ դար թ.
Առաջին հիշատակում	547
Այլ անվանումներ	Դանաբա
ԲԾՄ	1500 մ
Կլիմայի տեսակ	լեռնային
Պաշտոնական լեզու	արաբերեն
Բնակչություն	5 194 մարդ (2004)
Ազգային կազմ	արաբներ
Կրոնական կազմ	քրիստոնեություն
Ժամային գոտի	UTC+2, ամառը UTC+3
Հեռախոսային կոդ	+ 963 11
	Սեյդնայա (Սիրիա)
	Սեյդնայա (Սիրիա)
	Սեյդնայա Վիքիպահեստում

Սեյդնայա (արաբ․՝ صيدنايا‎‎), քաղաք Սիրիայի Արաբական Հանրապետության հարավում՝ Ռիֆ Դիմաշկի մարզում։ Ալ-Թելլի գավառի համանուն շրջանի վարչական կենտրոնն է։ Բնակչությունը կազմում է 5 194 մարդ^[1]։

Աշխարհագրություն

Սեյդնայան գտնվում է Սիրիայի մայրաքաղաք Դամասկոսից 27 կմ հյուսիս։ Մաալուլայի հետ համարվում է քրիստոնեական ուխտագնացության երկրորդ կենտրոնը՝ Երուսաղեմից հետո։ Կլիման լեռնային է, բնակչությունը քաղաքից զբաղվում է այգեգործությամբ, երկրագործությամբ ու անասնապահությամբ. քաղաքում գրեթե չկան ծառեր։ Զարգացած է սննդի արդյունաբերությունը և սպասարկող ոլորտը։

Պատմություն

Սեյդնայայում մարդիկ բնակվել են մ.թ.ա. 6-րդ դարում՝ արամեացիների տիրապետության ժամանակ։ Քաղաքը հայտնի էր որպես Դանաբա։ Այստեղ մինչև հիմա ապրում են արամեացիներ, ովքեր խոսում են իրենց մայրենի լեզվով։

Սուրբ Աստվածամոր տաճար

Ավանդության համաձայն, բյուզանդական կայսր Հուստինիանոս Ա-ին (527-565) այստեղ այծյամի տեսքով երևացել է սուրբ կույս Մարիամ Աստվածածինը, և այստեղ վանական համալիր կառուցելու խնդրանքով է դիմել։ Կայսեր քրոջ հրամանով սկսում են շինարարական աշխատանքները։ Տաճարում պահվում է սուրբ առաքյալ Ղուկասի նկարած սրբապատկերը։ Ըստ ավանդության՝ դա Մարիամ Աստվածածնի պատկերն է։ Վերջինս փակված է մետաղյա շերտով, և այն արգելվում է տեսնել։

Տեղի մուսուլմաններն ու քրիստոնյաները դարեր շարունակ սեպտեմբերի 8-ին նշում են Աստվածամոր տոնը։ Նրանք գալիս են այստեղ՝ իրենց հիվանդությունները բուժելու նպատակով։

Տեսարժան վայրեր

2000 մ բարձրության վրա գտնվում է Քերովբեների վանքը, որտեղից տեսարան է բացվում դեպի մայրաքաղաք Դամասկոս, նրա արվարձաններ, ինչպես նաև՝ Անդրլիբանանյան լեռներ։ Մինչև Քերովբեների վանքն ընկած ճանապարհին գտնվում է Մար Թոմա (արաբ․՝ مار توما‎‎` սուրբ Թովմաս) վանքը։

Սեյդնայայում է գտնվում քրիստոնեության հիմնադիր Հիսուս Քրիստոսի մետաղյա արձանը։