Hispaniola
| Swójske mjeno | Hispaniola/La Española | |
 Topografiska karta Hispaniole | ||
| połoženje | Karibiske morjo | |
| stat | Dominikanska republika, Haiti | |
19-70.666666666667Pico Duarte, 3098 m
| ||
| přestrjeń | 76.480 km² | |
| najwyše městno | Pico Duarte, 3098 m | |
| wobydlerstwo | 21.396.000 (2015) | |
Hispaniola (španisce La Española) je wulka kupa w Karibiskim morju a z přestrjenju wot 76.480 km² po Kubje druha najwjetša kupa Wulkich Antilow a Zapadoindiskich kupow. Na Hispanioli nadeńd��etej so stataj Haiti (na zapadźe) a Dominikanska republika (na wuchodźe). Kupa ma cyłkownje wjace hač 21 milionow wobydlerjow, najwjetšej sydlišći stej Santo Domingo, stolica Dominikanskeje republiki a Port-au-Prince, stolica Haitija.
Kupa je něhdźe 600 kilometrow dołha (ze zapada do wuchoda) a 250 kilometrow šěroka (ze sewjera do juha). Na zapadnym boku stej dwě horinatej połkupje, mjeztym zo je wuchod poměrnje płony. W horinach Cordillera Central („centralne horiny“) nadeńdu so najwyše wjerški cyłeje Karibiki, z kotrychž je Pico Duarte z 3098 metrami najwyši. Kupa leži na geologiskej hranicy mjez Sewjeroameriskej a Karibiskej platu a tuž w zemjerženskim pasmje. Klima je powšitkownje włóžna a tropiska. Husto je Hispaniola potrjechena wot hurikanow.
Susodne kupy su Puerto Rico na wuchodźe (120 km zdalene), Jamaika na juhozapadźe (190 km) a Kuba na sewjerozapadźe (90 km).
Wobrazy
[wobdźěłać | žórłowy tekst wobdźěłać]-
Hispaniola z Mjezynarodneje swětnišćoweje stacije (ISS) -
Nawtiska karta z lěta 1639 -
Historiska karta z lěta 1723 -
Krajina na Hispanioli
Wotkaz
[wobdźěłać | žórłowy tekst wobdźěłać]
Commons: Hispaniola – Zběrka wobrazow, widejow a awdiodatajow