תהלים יט/רכיבים

א לַ/מְנַצֵּ֗חַ מִזְמ֥וֹר לְ/דָוִֽד׃ ב הַ/שָּׁמַ֗יִם מְֽסַפְּרִ֥ים כְּבֽוֹד־אֵ֑ל וּֽ/מַעֲשֵׂ֥ה יָ֝דָ֗י/ו מַגִּ֥יד הָ/רָקִֽיעַ׃ ג י֣וֹם לְ֭/יוֹם יַבִּ֣יעַֽ אֹ֑מֶר וְ/לַ֥יְלָה לְּ֝/לַ֗יְלָה יְחַוֶּה־דָּֽעַת׃ ד אֵֽין־אֹ֭מֶר וְ/אֵ֣ין דְּבָרִ֑ים בְּ֝לִ֗י נִשְׁמָ֥ע קוֹלָֽ/ם׃ ה בְּ/כָל־הָ/אָ֨רֶץ׀ יָ֘צָ֤א קַוָּ֗/ם וּ/בִ/קְצֵ֣ה תֵ֭בֵל מִלֵּי/הֶ֑ם לַ֝/שֶּׁ֗מֶשׁ שָֽׂם־אֹ֥הֶל בָּ/הֶֽם׃ ו וְ/ה֗וּא כְּ֭/חָתָן יֹצֵ֣א מֵ/חֻפָּת֑/וֹ יָשִׂ֥ישׂ כְּ֝/גִבּ֗וֹר לָ/ר֥וּץ אֹֽרַח׃ ז מִ/קְצֵ֤ה הַ/שָּׁמַ֨יִם׀ מֽוֹצָא֗/וֹ וּ/תְקוּפָת֥/וֹ עַל־קְצוֹתָ֑/ם וְ/אֵ֥ין נִ֝סְתָּ֗ר מֵֽ/חַמָּת/וֹ׃ ח תּ֘וֹרַ֤ת יְהוָ֣ה תְּ֭מִימָה מְשִׁ֣יבַת נָ֑פֶשׁ עֵד֥וּת יְהוָ֥ה נֶ֝אֱמָנָ֗ה מַחְכִּ֥ימַת פֶּֽתִי׃ ט פִּקּ֘וּדֵ֤י יְהוָ֣ה יְ֭שָׁרִים מְשַׂמְּחֵי־לֵ֑ב מִצְוַ֥ת יְהוָ֥ה בָּ֝רָ֗ה מְאִירַ֥ת עֵינָֽיִם׃ י יִרְאַ֤ת יְהוָ֨ה׀ טְהוֹרָה֮ עוֹמֶ֪דֶת לָ֫/עַ֥ד מִֽשְׁפְּטֵי־יְהוָ֥ה אֱמֶ֑ת צָֽדְק֥וּ יַחְדָּֽו׃ יא הַֽ/נֶּחֱמָדִ֗ים מִ֭/זָּהָב וּ/מִ/פַּ֣ז רָ֑ב וּ/מְתוּקִ֥ים מִ֝/דְּבַ֗שׁ וְ/נֹ֣פֶת צוּפִֽים׃ יב גַּֽם־עַ֭בְדְּ/ךָ נִזְהָ֣ר בָּ/הֶ֑ם בְּ֝/שָׁמְרָ֗/ם עֵ֣קֶב רָֽב׃ יג שְׁגִיא֥וֹת מִֽי־יָבִ֑ין מִֽ/נִּסְתָּר֥וֹת נַקֵּֽ/נִי׃ יד גַּ֤ם מִ/זֵּדִ֨ים׀ חֲשֹׂ֬ךְ עַבְדֶּ֗/ךָ אַֽל־יִמְשְׁלוּ־בִ֣/י אָ֣ז אֵיתָ֑ם וְ֝/נִקֵּ֗יתִי מִ/פֶּ֥שַֽׁע רָֽב׃ טו יִֽהְי֥וּ לְ/רָצ֨וֹן׀ אִמְרֵי־פִ֡/י וְ/הֶגְי֣וֹן לִבִּ֣/י לְ/פָנֶ֑י/ךָ יְ֝הוָ֗ה צוּרִ֥/י וְ/גֹאֲלִֽ/י׃

<< · תהלים · יט/רכיבים · >>