Uwemedimo Nwoko

Uwemedimo Nwoko
Rayuwa
Haihuwa	Ika (Nijeriya), 27 Oktoba 1964 (59 shekaru)
ƙasa	Najeriya
Karatu
Makaranta	Jami'ar Calabar
Sana'a
Sana'a	Mai kare ƴancin ɗan'adam
Employers	Ma'aikatar Shari'a ta Jihar Akwa Ibom  (ga Janairu, 2015 -  ga Janairu, 2021)
Imani
Jam'iyar siyasa	Peoples Democratic Party

Uwemedimo Nwoko listenⓘ (an haife shi a ranar ashirin da bakwai 27 ga watan Oktoba, alif dubu daya da dari tara da sittin da hudu 1964). Lauya ne a Najeriya, ɗan siyasa, Mai fafutukar kare hakkin dan adam kuma tsohon Babban Lauyan da Kwamishinan Shari'a a Jihar Akwa Ibom . ^{[1] [2][3]}

An haifi Nwoko a ranar ashirin da bakwai ga watan Oktoba, alif dubu daya da dari tara da sittin da hudu wato 1964 a Abiakana, a cikin Karamar Hukumar Ika ta Jihar Akwa Ibom . ^[4]

A shekara ta dubu daya da dari tara da sab'in da biyu wato 1972, Nwoko ya fara halartar Makarantar Kungiyar Qua Iboe Church (QIC), Ikot Osukpong, Ika LGA na Jihar Akwa Ibom kuma ya bar makarantar a shekara ta dubu daya da dari tara da saba'in da bakwai wato 1977 don ci gaba da karatun sakandare a makarantar sakandare ta Saint Augustine, Urua Inyang (1977-1982). Daga baya ya ci gaba da karatun shari'a a Jami'ar Calabar (1987-1991) kafin ya kammala karatun a Makarantar Shari'a ta Najeriya, Victoria Island, Legas (1991-1992). ^[4]

A watan Disamba na shekara ta dubu biyu da goma sha hudu wato 2014, gwamnan da ke aiki na Jihar Akwa Ibom, wato Cif Godswill Akpabio ya tura sunan Nwoko zuwa Majalisar Dokokin Jihar Akwana Ibom domin tantancewa da kuma nadin a matsayin Babban Lauyan jihar da Kwamishinan Shari'a.^[5]

A ranar sha uku ga watan Janairun shekara ta dubu biyu da goma sha biyar wato 2015, an ba shi aikin. Ya zama Babban Lauyan 14 da Kwamishinan Shari'a na Jihar Akwa Ibom .

A tsakiyar shekara ta shekara ta dubu biyu da goma sha biyar wato 2015, gwamnan da ke kan mulki, Gwamna Udom Gabriel Emmanuel ya sake nada shi Babban Lauyan jihar da Kwamishinan Shari'a.^{[6][7][8][9][10][11]}