Farooq Kperogi

Farooq Kperogi
Rayuwa
Haihuwa	Baruten, 30 ga Maris, 1973 (51 shekaru)
ƙasa	Najeriya
Karatu
Makaranta	Georgia State University (en) University of Louisiana at Lafayette (en) Jami'ar Bayero
Harsuna	Turanci
Sana'a
Sana'a	linguist (en) , Malami da ɗan jarida
farooqkperogi.com

Farooq Adamu Kperogi (An haifeshi ranar 30 ga watan Maris din Shekarar 1973) tshohon ɗan jarida ne kuma malamin ilimin hanyoyin sadarwa na zamani a kasar Amurka. Farooq yayi aikin jarida a gidaje jaridun Najeriya kamar Daily Trust da kuma tsohuwar jaridar New Nigerian ta gwamnatin tarayya da kuma Daily Triumph.^[1]

Kperogi yana cikin masu rubuta jawabin shugaban kasa a zamanin mulkin Obasanjo, kuma ya koyar da aikin jarida a Jami'ar Ahmadu Bello da Kwalejin Kimiyya da Fasaha ta Kaduna. Yana koyar da aikin jarida a Jami'ar Jihar Kennesaw da ke Jojiya, Amurka.^[2][3][4] Shi ne kuma marubucin (Glocal English: The Changing Face and Forms of Nigerian English), wanda aka buga a cikin shekara ta 2015, a matsayin juzu'i na 96 a cikin jerin Insights na Berkeley a cikin Linguistics da Semiotic.^[5][6]

An haifi Kperogi a shekara ta 1973, a Okuta, karamar hukumar Baruten a jihar Kwara, Najeriya.^[7] Ya halarci Jami'ar Bayero tsakanin 1993 zuwa 1997, inda ya samu digiri na farko a fannin sadarwa. Ya sami digiri na biyu a fannin sadarwa a Jami'ar Louisiana ta Lafayette da kuma Ph.D. daga Jami'ar Jihar Jojiya a Amurka a shekara ta 2011.^[2]

Bayan kammala karatunsa a Jami'ar Bayero ta Kano, Kperogi ya fara aikin jarida a Katsina da Kano a matsayin mai kawo rahotanni, kafin ya koma Media Trust a matsayin wakilin rusasshiyar jaridar Weekly Trust. Ya kuma yi aiki da rusasshiyar jarida mallakar gwamnatin tarayya, wato jaridar New Nigerian, a farkon shekarun 2000. Kperogi ya fara aikin sa ne a tsakanin shekarar 2000 zuwa 2002 a Kwalejin kimiyya da fasaha ta Kaduna, inda ya koyar da aikin jarida da sadarwa-(journalism and mass communication). Ya kuma koyar a Jami'ar Ahmadu Bello da ke Zariya na ɗan wani lokaci a shekarar 2004.^[3] A tsakanin 2002 zuwa 2004, Kperogi ya yi aiki a gwamnatin Shugaba Olusegun Obasanjo a matsayin marubucin jawabin shugaban kasa kuma mai bincike. Kperogi ya rubuta ginshiƙai biyu, “Politics of Grammar" da “Notes from Atlanta”, don bugawa a jaridar Daily Trust.

Kperogi ya yi rubutu da yawa game da Turancin Najeriya.^[8]

• Glocal English: The Changing Face and Form of Nigerian English in Global World. New York: Peter Lang, 2015. 08033994793.ABA