Sceloglaux albifacies
| Nínox Pukaguy | ||
|---|---|---|
 Ta'anga ojapova'ekue J. G. Keulemans arykuéra 1875 ha 1878 jave. | ||
| Tekovekuaaty ñemohenda | ||
| Tavetã: | Mymba | |
| Pehẽ'a: | Chordata | |
| Jueheguasã: | Guyra | |
| Tekovety: | Strigiformes | |
| Juehepehẽ: | Strigidae | |
| Juehepehẽguy: | Surniinae | |
| Jueheguaty: |
Sceloglaux Kaup, 1848 | |
| Juehegua: |
S. albifacies (Gray GR, 1845) | |
| Tenda oĩva | ||
 Tenda oĩ haguepe umi Sceloglaux albifacies Tenda opahape. | ||
| Subjuehegua[1] | ||
| ||
| [editar datos en Wikidata] | ||
Pe Nínox Pukaguy (Sceloglaux albifacies) ha'e peteĩ juehegua opamava umi guyrakuéra Strigiformes upe juehepehẽ strigidae pegua, kóva ha'e akue upe omyakã'ekue pe meña Sceloglaux. Oikova akue Selánda Pyahupe, opa sa'ary xx ñepyrũkuero. oĩ te’õngue ojeguerahava'ekue upe Apokatuĩro Vyretañagua, upepe ojejapo peteĩ mombe'u osẽva’ekue ary 1845-pe. Oñembohéra Whēkau maoríñe'ẽme[2][3].
Techaukaha
[jehaijey | emoambue kuatia reñoiha]Oguereko akue peteĩ 38 cm pukukue ha ha ipohýi 600 g. Hague katu sa'y yvysa'y ha sa'yju'i, ha oguereko peteĩ kytarysýi yvysa'y hũ. Umi ipepo ha huguai oguereko kytarysýi yvysa'yju. Hetyma puku, ha hague paite, ha umi'a katu sa'y sa'yju pytã. Upe apu'a hovapegua katu morotĩ tesa ári ha iguype, hesa katu sa'y yvysa'y ha oguereko peteĩ apu'a hũ mbytepe.[4]
Pyharekue pytepe oñepyrũ osapuka'i, ha umi'a heta he’i jey; ha ojogua umi jagua sapuka'ipe. Ha’ete ku opukavyva, ha upegui ou uoe itera "Nínox Pukaguy".
Ko'ava oiko akue umi ka'aguype, yvy nandipe; jepemo oho umi tenda yvate ha ijita hetavape, okañy ha ojapo hag̃ua ha'ityrã.
Mba'eichápa opa
[jehaijey | emoambue kuatia reñoiha]Ko'anga peve ndojekuaái mba'éichapa opa, oje'e opa oñemo'inge hague ambue mymba upe yvy ha'e oikohápe. Avei umi mba'asy oguerova umi Európagua ikatu rape oporojuka pe'ãvape[5].
Heta oĩ vaʼekue og̃uahẽrõ guare umi európagua ary 1804 jave. Jepemo ary 1840 g̃uãra opa potaitema hina kuri, ha ary 1889 g̃uãra katu upe rufifacies opa upe ypa'ũ yvategua gotyope. Jepemo ojehecha ary 1930 peve oje'e.
Upe ypa'ũ Ñembypegua areve oikove, ary 1914 peve oje'e South Canterburype, jepemo oje'e ary 1960 peve ojehechaha.[4]
Tekove
[jehaijey | emoambue kuatia reñoiha]Umi urukure'a pukaguy oiko hikuái umi tenda itajuhápe, sa’i oky reheve. Avei umi ypa'ũ yvate gotyo pegua oiko umi tenda oĩháme kaʼaguy tuichava. heta mba’e ho’u hikuái ha'eháicha umi guyra michĩveva, anguja ha mymbachu’ikuéra. Oje'e ko'ava ojukaha yvype naha'eivo ovevevo.
Ko'ava ojekuaa umi o'indymbúhaguére umi kangue ho'uva'ekue. Umi'a ha'e heta mba'e ojejapo hag̃ua umi ñemoarandu paleontológica Selánda pyahu-pe umi Pleistoceno tardío ha pe Holoceno.
Avei umi Sceloglaux albifacies ojapo ha'ityrã umi itakuape ha ka'aguype, Ko’ãva ko’ãva oñembohetave jasyporundyme ha jasypape.
Og̃uahẽrõ g̃uãre umi Anguja polinesio Selánda Pyahu-pe, umi'a omboguejy umi mymbakuéra ho'uva'ekue ko'ãva urukure'a, jepemo ko'ãva oñepyrũ ho’u ko'ãva angujape.
Strigiphilus ha'e peteĩ mba'asy umi nínox pukaguy oguerekóva.
Ehecha avei
[jehaijey | emoambue kuatia reñoiha]Mandu'apy
[jehaijey | emoambue kuatia reñoiha]- ↑ Zoonomen. «Birds of the World -- current valid scientific avian names.» (en inglés). Ojehechákuri árape: 5 de noviembre de 2009.
- ↑ https://www.argentinat.org/taxa/413541-Sceloglaux-albifacies-rufifacies
- ↑ https://spain.inaturalist.org/taxa/20187-Sceloglaux-albifacies
- ↑ 4,0 4,1 Heather,B. y Robertson, H. (2005). The Field Guide to the Birds of New Zealand. Penguin Books. ISBN 978-0-14-302040-0.
- ↑ https://www.researchgate.net/publication/306071727_Phylogenetic_relationships_and_terrestrial_adaptations_of_the_extinct_laughing_owl_Sceloglaux_albifacies_Aves_Strigidae