Galego

Vexa na Galipedia o artigo acerca de «columna».

• Etimoloxía: do latín columnam.

• Pronuncia: /koˈlumna̝/, /koˈluŋna̝/ (AFI)

• Escoitar: «columna» (Ficheiro ─ axuda)

columna (sg: columna; pl: columnas)

1. (Arquitectura) Elemento arquitectónico de sostén, vertical, alargado e, normalmente, de sección circular, destinado a recibir as cargas verticais dunha obra de arquitectura. Por veces é un elemento meramente decorativo.
   • Exemplo: A praza de San Pedro do Vaticano está rodeada por 180 columnas.
     
     
   • Sinónimos: piar.
   • Termos relacionados: base, fuste (cana), capitel, (chapitel).
   • Termos relacionados: orden, dórico, xónico, corintio, toscano, composto.
   • Termos relacionados: columnata, interecolumnio, mainel, parteluz, piar, pilastra.
2. (Anatomía) Conxunto de vértebras colocadas en fileira, que xogan entre si e que forman o eixo do esqueleto dos animais vertebrados. Está composta por 7 vértebras cervicais, 12 dorsais, 5 lumbares e o conxunto sacro-cóccix.
   • Exemplo: Desde que rompeu a columna naquel accidente quedou encamado.
     
     
   • Sinónimos: aranguelo, arelo, carrelo, carriñouzo, cernizo, cerrizo, columna vertebral, espiña, espiña dorsal, espiñazo, fío do lombo, lombelo, raque.
3. (Exército) Un modo de formación de unidades militares que marchan unha tras outra, ordenadamente.
   • Exemplo: Non poderemos vencer, dixo cando viu avanzar as columnas do exército inimigo.
     
     
4. Cada unha das bandas verticais nas que se dispón un texto escrito nun libro ou xornal.
   • Exemplo: Deron a noticia a toda páxina, a cinco columnas.
     
     
5. Sección dun xornal que publica de forma fixa un colaborador.
   • Exemplo: Non se entende que lle permita dicir o que di na súa columna.
     
     
6. Figurado Forma vertical coa que soben algúns fluídos.
   • Exemplo: Unha columna de negro fume ocultaba o sol.
     
     

• columna abalaustrada
• columna adosada, columna entrega ou columna de media cana
• columna conmemorativa
• columna exenta ou columna illada
• columna faxada
• columna fasciculada ou columna nervada
• columna xeminada ou columna pareada
• columna historiada
• columna ofídica
• columna rostrada ou columna rostral
• columna salomónica ou columna entorchada
• columna torsa
• columna vertebral
• quinta columna

Castelán

• Etimoloxía: do latín columnam.

• Escoitar: columna (La Paz-Bolivia) (Ficheiro ─ axuda)

columna (sg: columna; pl: columnas)

1. (Anatomía) Columna.
2. (Arquitectura) Columna.