Xesús Pérez Varela

Xesús Pérez Varela

Biografía
Nacemento	1949 (75/76 anos) Redondela, España
Actividade
Ocupación	xornalista, político

Xesús Pérez Varela, nado en Redondela en 1949, é un político e xornalista galego.

Estudou bacharelato no Instituto Santa Irene de Vigo, Maxisterio na Escola Normal de Lugo e xornalismo na Escola Oficial de Xornalismo de Madrid. Exerceu como redactor e comentarista político nos diarios Marca, Aragón Express, La Gaceta del Norte, Región e El Imparcial, xornal que dirixiu entre xuño e decembro de 1979. Foi xefe de publicacións e de comunicación no Museo Arqueológico Nacional (1981-1987). En 1990 foi nomeado director do gabinete de comunicación do presidente da Xunta de Galicia. Co PPdeG foi secretario xeral de Comunicación (1991-1996), deputado no Parlamento de Galicia (1997) e conselleiro de Cultura e Comunicación Social (1997-2005). Despois foi nomeado para o Consello de Administración da CRTVG.

No ano 2002, con ocasión dun concerto en Santiago de Compostela da Orquestra Sinfónica de Galicia, preguntóuselle a Xesús Pérez Varela, entón conselleiro de cultura sobre a súa asistencia ao mesmo, e contestou eloxiando á "cantante" "Carmina Burana".^[1]

Predecesor: Víctor Manuel Vázquez Portomeñe

Conselleiro de Cultura e Comunicación Social  1997–2005

Sucesor: Ánxela Bugallo

Wikimedia Commons ten máis contidos multimedia na categoría:  Xesús Pérez Varela

• Ficha en galegos.info
• "Jesús Pérez Varela, ex conselleiro de Cultura (1996-2005) y miembro del Consello de Administración de CRTVG: "Es tan injusto lo que han hecho conmigo que me dan ganas de llorar"" Arquivado 24 de setembro de 2019 en Wayback Machine. Faro de Vigo, 25/11/2007 (en castelán).