Uloboridae

Macho de Octonoba takanai

Reino:	Animalia
Filo:	Arthropoda
Subfilo:	Chelicerata
Clase:	Arachnida
Orde:	Araneae
Superfamilia:	Uloboroidea
Familia:	Uloboridae THORELL, 1869

Xéneros

Uloboridae é unha familia de arañas pertencente á orde Araneae da clase Arachnida.

Caraterísticas

O seu tamaño adoita estar entre os 3 e os 10 mm, aínda que en raras ocasións poden superan os 12 milímetros de longo e teñen o primeiro par de patas anteriores moi alongadas. A diferenza do resto das arañas posúen ningún tipo de glándula velenosa ^[1] e están provistos de cribelo que produce un tipo de seda formada por fibras ensarilladas formando arañeiras, normalmente en disposición horizontal, moi resistentes e non apegañentas cun deseño característico en forma de zig-zag, coñecido como stabilimentum, cara ao centro.

Comportamento

Por mor da xeometría particular da súa arañeira, estas arañas ao asumiren unha postura en arco coas súas patas anteriores conseguen un mimetismo case perfecto, semellando unha folla ou unha póla pousada na propia arañeira, o que lles permite lanzar de súpeto sobre a incauta presa numerosos fíos de seda que a envolven toda.

Distribución

As 262 especies coñecidas distribúense por todo o mundo, considerándose unha familia cosmopolita, a excepción das zonas desérticas de Groenlandia, Sáhara e Arabia onde non está presente e o norte do continente europeo, con só dúas especies: Uloborus walckenaerius e Hyptiotes paradoxus