Time-lapse

Un time-lapse ou Time-Lapse é unha técnica fotográfica que consiste na captación de imaxes fixas a intervalos regulares e a súa posterior reprodución a unha velocidade superior á que foron tomadas. Esta técnica crea unha ilusión de imaxes aceleradas, permitindo observar procesos longos en períodos de tempo reducidos.

Hai varios métodos para a realización de vídeos ou filmes coa técnica Time-Lapse, entre os que están:

• Gravación e aceleración — Gravar unha secuencia cunha vídeo cámara, para posteriormente acelerar o filme en calquera programa de edición de vídeo.
• Captación de imaxes — Outro xeito é a captación de imaxes a determinados intervalos de tempo. Tirando unha fotografía cada certo tempo, e unindo esas imaxes obtemos unha secuencia co efecto de aceleración característico do time-lapse.

• Científico — Utilízase para observar procesos longos desde outra perspectiva, como en botánica, astronomía, meteoroloxía ou xeoloxía, entre outros. Por exemplo, a técnica pode mostrar o crecemento de plantas, o movemento de nubes ou a evolución de fenómenos astronómicos.^[1]
• Artístico — O time-lapse tamén se usa para crear efectos visuais en cine e vídeo, mostrando a dinámica de procesos naturais ou de ambientes urbanos, para expresar conceptos narrativos etc.
• Documental — É común no xénero documental para mostrar cambios en paisaxes, procesos naturais ou eventos históricos ao longo do tempo, proporcionando unha perspectiva visual que permite ao espectador apreciar a evolución de eventos que ocorren demasiado lentamente para seren captados en tempo real.^[2]

Wikimedia Commons ten máis contidos multimedia na categoría:  Time-lapse

• Animación
• Cámara lenta
• Gestalt
• Ilusión óptica
• Persistencia retiniana
• Tempo
• Stop motion
• Visión