Tim Behrens

Tim Behrens

Biografía
Nacemento	2 de xuño de 1937 Londres, Reino Unido
Morte	8 de febreiro de 2017 (79 anos) A Coruña, España
Educación	University College de Londres Slade School of Fine Art (pt) Eton College
Actividade
Ocupación	pintor, escritor

Timothy John Behrens, chamado Tim Behrens, nado en Londres en 1937 e finado na Coruña o 8 de febreiro de 2017, foi un pintor e escritor galego-británico, vinculado á Escola de Londres.

Behrens, de familia xudía, estudou na Escola de Belas Artes Slade do University College de Londres, en Londres. Nesa etapa de formación moveuse por distintos bares e clubs de bebida de artistas e intelectuais, como The Colony Room, onde fixo grupo con artistas que logo foron coñecidos como a Escola de Londres, e que compartían uns ideais estéticos e artísticos: Lucian Freud, Francis Bacon, John Deakin, Frank Auerbach ou Michael Andrews.^[2] Neses anos cincuenta e sesenta do século XX, Behrens pintaba e ao mesmo tempo posaba como modelo: el é o personaxe que aparece no cadro Red-Haired Man on a Chair (Home roxo nunha cadeira), de Lucian Freud de 1962^[3]) e 1963,^[2] e o protagonista do Retrato de Timothy Behrens, unha obra de Michael Andrews que pertence á colección permanente do Museo Thyssen-Bornemisza).^[4]

Parte da súa carreira pictórica posterior desenvolveuna en países do sur de Europa, como Italia, Grecia ou España. En 1985 instalouse na Coruña, cidade na que faleceu.

• El monumento, 2003, traducido do orixinal inglés.
• Poniéndose ya el abrigo, 2010, traducido do orixinal inglés.
• Amores y pesadillas, 2009 (poesía)
• Aquí se puede fumar, 2012 (poesía)

Casado, tivo un fillo, Charles Behrens, videocreador.

Wikimedia Commons ten máis contidos multimedia na categoría:  Tim Behrens

• A Lunch Party, 1961, cadro de Tim Behrens, visible en distitos catálogos de arte británica online.
• Man in bed, cadro de Tim Behrens, poxado en Christie's.