Teresa Losada
  | |
| Biografía | |
|---|---|
| Nacemento | (es) Teresa Losada Campo 1943 Lugo, España |
| Morte | 25 de agosto de 2013 (69/70 anos) |
| Educación | Universidade de Barcelona |
| Actividade | |
| Ocupación | arabista, filóloga, monxa |
| Orde relixiosa | Ordes franciscanas |
| Premios | |
| |
  | |
Teresa Losada Campo, nada en Lugo en 1943 e finada en Sant Vicenç dels Horts o 25 de agosto de 2013, foi unha relixiosa e filóloga galega.[1]
Traxectoria
[editar | editar a fonte]Doutorada en Filoloxía semítica na Universidade de Barcelona, despois ingresou na orde franciscana, Misioneira de María, sendo coñecida como «a monxa dos inmigrantes». En 1974, fundou Bayt Al-Thaqafa (Casa da Cultura), unha asociación referente no diálogo entre o cristianismo e o islam, con sé en Barcelona e en Sant Vicenç dels Horts.[2] A entidade, formada por 60 voluntarios e 20 profesionais, moitos deles irmáns e irmás franciscanos, axuda cada ano a máis de 4.000 inmigrantes árabes residentes na comunidade autónoma de Cataluña[3] e consegue a inserción social dos mesmos sen que por iso perdan as súas raíces, tradicións e coñecementos da súa cultura.[4] A entidade organiza actividades para a alfabetización dos inmigrantes, tanto en catalán como en castelán, cursos de promoción da muller e de formación profesional, así como actividades de apoio á lingua e á cultura árabe dirixidas ós menores.
En 2000, Teresa Losada foi nomeada consultora do Consello Pontificio para o Diálogo Interrelixioso para as relacións cos musulmáns e en 2002 foi galardoada co Premio Cruz de San Jordi. A Generalitat de Cataluña tamén lle outorgou en 2012 o Memorial Cassià Just en recoñecemento á súa traxectoria.
Notas
[editar | editar a fonte]- ↑ "Mor la religiosa Teresa Losada, coneguda com "la monja dels immigants", als 70 anys, a causa d'un càncer".
- ↑ www.bcn.cat (ed.). "Teresa Losada Campo". Arquivado dende o orixinal o 02 de outubro de 2013. Consultado o 12 de marzo de 2018.
- ↑ EFE. "Muere Teresa Losada, la monja de los inmigrantes".
- ↑ EFE. "Muere Teresa Losada, misionera conocida como la monja de los inmigrantes".
