Sleepy Hollow

Sleepy Hollow
Ficha técnica
Título orixinal	Sleepy Hollow
Director	Tim Burton
Produtor	Scott Rudin Adam Schroeder Francis Ford Coppola
Guión	Washington Irving (historia orixinal) Kevin Yagher Andrew Kevin Walker (adaptación)
Baseado en	A lenda de Sleepy Hollow de Washington Irving
Intérpretes	Johnny Depp Christina Ricci Michael Gambon Miranda Richardson Christopher Walken Casper Van Dien Christopher Lee Jeffrey Jones Lisa Marie Ian McDiarmid Michael Gough Richard Griffiths Helena Bonham Carter Marc Pickering
Música	Danny Elfman
Fotografía	Emmanuel Lubezki
Montaxe	Chris Lebenzon Joel Negron
Estudio	Leavesden Film Studios
Distribuidora	Paramount Pictures
Estrea	1999
Duración	115 minutos
Orixe	Estados Unidos
Xénero	Fantástico, terror
Orzamento	$100.000.000[1]
Recadación	$206.071.502
Na rede

Sleepy Hollow é un filme dirixido por Tim Burton que se estreou en 1999. Baséase na novela de Washington Irving, A lenda de Sleepy Hollow. A música do filme foi composta por Danny Elfman e foi rodada nos estudios Leavesden Film Studios. Foi un éxito en portelo e tivo unha boa acollida pola crítica, con mención especial á musicalización gótica de Elfman e á fotografía obra de Emmanuel Lubezki. Gañou un Oscar por Mellor Dirección de Arte, así como dous BAFTAs por Mellor Deseño de Vestiario e Mellor Deseño de Produción.

Estados Unidos, ano 1799. O axente Ichabod Crane (Johnny Depp), un policía de Nova York, é enviado polos seus superiores á pequena e remota vila de Sleepy Hollow para pescudar que hai de verdade na lenda dun xinete sen cabeza que arrepía ós habitantes do lugar.

Este medo vén provocado por unha serie de brutais asasinatos nos que as vítimas son atopadas decapitadas. Crane confía nas súas avanzadas técnicas de investigación para resolve-los crimes, tales como a análise de pegadas dactilares e autopsias. Crane chega a Sleepy Hollow provisto da súa bolsa de ferramentas científicas pero soamente é informado polos anciáns da vila de que o asasino non é de carne e óso, senón máis ben un guerreiro de ultratumba sen cabeza que cabalga pola noite nun enorme cabalo negro.

Comeza a súa propia investigación permanecendo escéptico sobre as historias sobrenaturais que lle contan, ata que el mesmo se atopa co xinete sen cabeza. Aluga un cuarto na casa da familia máis rica da vila, os Van Tassels, e medra unha atracción cara a súa filla, a misteriosa Katrina, ó mesmo tempo que é acosado por pesadelos da terrible tortura da súa nai cando era un cativo.

Profundando no misterio coa axuda do orfo Masbath, cuxo pai fora vítima do xinete, Crane descobre o punto de entrada do xinete ó mundo real, a retorta Árbore dos Mortos.

Crane atopa que o cranio non está presente na tumba e os asasinatos continúan ata que descobre que os feitos xiran arredor dunha trama por dereitos de terra e de vinganza. O xinete é controlado pola madrasta de Katrina, Lady Van Tassel, quen envía o asasino tras Katrina. Despois dunha liorta no muíño de vento local e unha persecución pola fraga, Crane finalmente detén á señora Van Tassel mediante a devolución do cranio ó xinete, quen recupera a súa cabeza e volve ó inferno. O seu labor en Sleepy Hollow remata e xunto con Katrina e Masbath, retorna a Nova York, a tempo para o novo século.

• Johnny Depp como Ichabod Crane.
• Christina Ricci como Katrina Van Tassel.
• Miranda Richardson como Lady Van Tassel.
• Marc Pickering como Masbath mozo.
• Michael Gambon como Baltus Van Tassel
• Jeffrey Jones como o reverendo Steenwyck.
• Casper Van Dien como Brom Van Brunt.
• Ian McDiarmid como o doutor Lancaster.
• Michael Gough como o notario Hardenbrook
• Christopher Walken como o xinete sen cabeza.
• Richard Griffiths como o maxistrado Philipse.

• Oscar á mellor dirección artística. 3 nomeamentos (ano 1999).
• Premios BAFTA ó mellor vestiario, deseño de produción. 3 nomeamentos (ano 1999).

• Ficha no Filmaffinity (en inglés)
• Ficha na IMDb (en inglés)