Sant Andreu de Llavaneres

Sant Andreu de Llavaneres

Bandeira Brasón
Localización
41°34′24″N 2°28′58″L / 41.573333333333, 2.4827777777778
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Maresme
Capital	Sant Andreu de Llavaneres (en)
Poboación
Poboación	11.831 (2023) (1.002,63 hab./km²)
Número de fogares	64 (1553)
Lingua oficial	lingua catalá
Xeografía
Superficie	11,8 km²
Bañado por	Mar Mediterráneo
Altitude	114 m
Comparte fronteira con	Dosrius Sant Vicenç de Montalt Mataró
Organización política
• Mayor of Sant Andreu (en)	Àlex Neira Marí (en) (2023–)
Identificador descritivo
Código postal	08392
Fuso horario	UTC+01:00
Código INE	08197
Código territorial IDESCAT	081976
Páxina web	ajllavaneres.cat

Sant Andreu de Llavaneres, coñecido tamén como Llavaneres, é un concello español da provincia de Barcelona, en Cataluña, pertencente á comarca do Maresme. Segundo datos do INE tiña 10.406 habitantes en 2011.

Está situado a 36 km ao norte de Barcelona, á beira da costa mediterránea onde conta co porto deportivo Port Balís. Está entre o mar situado ao leste e o Parque Natural do Montnegre e o Corredor ao oeste. A poboación ten boas comunicacións coa capital grazas á liña 1 de Rodalies de Barcelona, así como a autoestrada C-32 e a N-II.

Unha lenda etimolóxica, carente de verosimilitude, supón que Llavaneres significa Serena Vall (Sereno val) lido ao revés. Na súa forma máis antiga o topónimo aparece coa forma labandarias.

Os restos arqueolóxicos máis antigos que se atopan no termo son as rocas de Sant Magí, na serra de Montalt, as cales datan do neolítico.

Antigamente entre a riera de Llavaneres e o torrente de Les Bruixes estaba Can Sanç, unha vila rural que desde a romanización desprazouse desde zonas iberas. Alí cultivábanse viñas e oliveiras. A actividade económica, como en Mataró e outros municipios, era soamente agrícola e centraba o seu interese nos cultivos hortícolas.

Máis tarde, Sant Andreu de Llavaneres foi parte de Mataró e ao final, cara á metade do século XVI conseguiu a independencia. O que nun inicio era unha poboación dispersa foise desenvolvendo e fóronse formando barrios como o de Cal Sanç, onde a xente xuntábase aos poucos.

Máis adiante, Llavaneres resultou ser tamén un bo recuncho para moitos barceloneses que buscaban fuxir temporalmente do núcleo urbano. De aquí a gran cantidade de edificios modernistas da localidade.

Actualmente trátase dun gran foco residencial e turístico.

• Igrexa antiga de Sant Andreu
• Torre Gran
• Torre del Sot
• Ca l'Alfaro
• Cal Tomàs

• Festa maior: fin de semana máis próximo ao 30 de novembro.
• Festa maior da Minerva: terceiro domingo de xullo.
• Festa do Pèsol (chícharo): fin de semana de abril.
• Mostra Gastronómica do Pèsol: mes de abril.

Wikimedia Commons ten máis contidos multimedia na categoría:  Sant Andreu de Llavaneres

• Sitio web do concello (en catalán)
• Patrimonio históric e artístico de Sant Andreu de Llavaneres (en catalán)
• Información da Generalitat de Catalunya (en catalán)
• Información do Institut d'Estadística de Catalunya (en catalán)