Río Songhua

Río Songhua
	(mn) ᠰᡠᠩᡤᠠᡵᡳ ᡠᠯᠠ; (zh) 松花江; (zh) 海西
Tipo	río
Inicio
Continente	Asia
División administrativa	Heilongjiang, República Popular da China
Localización	Lago do Céu (pt)
Final
División administrativa	Krai de Zabaykalsky, Rusia (pt)
Localización	Río Amur
	42°43′40″N 127°13′26″L / 42.7278, 127.2239; B 47°42′22″N 132°31′04″L / 47.706064, 132.517661
Afluentes	Nen River (en) , Mudan River (en) , Huifa He (en) , Hulan River (en) , Shaoling He (en) , Chalin He (en) , Yinma River (en) , Lalin He (en) , Second Songhua River (en) , Nemor River (en) , Tangwang He (en) , Mayi (en) , Ashi River (en) , Q22101445
Conca hidrográfica	conca do río Amur
Características
Dimensións	1.434 () km ;
Superficie da cunca hidrográfica	524.000 km²
Medicións
Caudal	2.470 m³/s

O río Songhua (en chinés: 松花江, pinyin: Sōng Hūa Jīang) ou Sunggari Ula ("río branco") en lingua manchú (tamén Haixi ou Xingal, en ruso: Сунгари Sungari) é un río asiático que discorre polo nordés da China, o maior dos afluentes do río Amur. Ten unha lonxitude de 1434 km, drena unha gran conca de 557 180 km².^[1]^[2] e ten un caudal anual de 2463 .^[3]

Administrativamente, discorre polas provincias chinesas de Heilongjiang e Jilin.

Xeografía

O río Songhua nace na vertente occidental das montañas Changbai, non lonxe da fronteira con Corea do Norte, na provincia de Jilin. Encamíñase en dirección norte-noroeste e chega a un tramo en que está represado, preto de Fengman, unha importante central hidroeléctrica que forma un lago que se estende uns 62 km augas arriba. Ao pasar a presa, o río chega á capital Jilin e despois á cidade de Fuyu. Continúa augas abaixo na mesma dirección ata recibir, preto de Daan, ao seu principal afluente, o río Nen (1370 km), que chega do norte.

Na confluencia o río Songhua cambia abruptamente de dirección e diríxese cara ao leste. Nese mesmo punto o río comeza un longo tramo no que forma a fronteira natural entre as provincias de Jilin (sur) e Heilongjiang (norte). O río segue cara ao leste, recibindo preto de Harbin o río Hulan. Despois, cruza entre a parte norte e leste do sistema de montañas de Manchuria e a cordilleira de Khingan, para despois penetrar no val do río Amur e desembocar nel preto da cidade de Dongjiang.

O río Songhua adoita conxelarse dende finais de novembro ata marzo. O seu período de maior caudal ocorre cando a neve das montañas se derrite ao comezo da primavera. O río é navegábel ata Harbin mediante embarcacións de tamaño mediano. Se estas son pequenas, poden navegar ata Jilin e polo río Nen, terminando en Qiqihar.

Historia

En novembro de 2005 o río foi contaminado con benceno, provocando o peche do abastecemento de auga de Harbin.^[4] O derramamento cubriu 80 km e finalmente chegou ao río Amur (Heilong) na fronteira entre a China e Rusia.^[5] O 28 de xullo de 2010 varios milleiros de toneis procedentes de dúas plantas químicas na cidade de Jilin foron arrastradas polas riadas. Algúns deles contiñan 170 kg de material explosivo como cloruro de trimetilsilo e hexametildisiloxano.^[6]^[7] En 2016, a parte máis achegada á cidade de Jilin foi afectada por unha pequena inundación.

Notas

↑ ), National Geographic Society (U.S (2008). National Geographic Atlas of China, p. 36. ISBN 9781426201363.
↑ "Amur river basin at Rivers Network". Arquivado dende o orixinal o 07 de setembro de 2019. Consultado o 10 de agosto de 2020.
↑ National Conditions: Main Rivers consultado o 21 de outubro de 2010.
↑ "Water pollution in China alarming, CCTV.com".
↑ China By Organisation for Economic Co-operation and Development, p.245. 2007. ISBN 9789264031159.
↑ Khabarovsk Region prevents poisoned Sungari water from reaching Amur Arquivado 18 de marzo de 2012 en Wayback Machine., 30 de xullo de 2010, Moscow Time
↑ Defence lines were opened in attempt to intercept the barrels with chemicals, RIA Novosti, 30 de xullo de 2010 (en ruso)

Véxase tamén

[1] ), National Geographic Society (U.S (2008). National Geographic Atlas of China, p. 36. ISBN 9781426201363.

[2] "Amur river basin at Rivers Network". Arquivado dende o orixinal o 07 de setembro de 2019. Consultado o 10 de agosto de 2020.

[3] National Conditions: Main Rivers consultado o 21 de outubro de 2010.

[4] "Water pollution in China alarming, CCTV.com".

[5] China By Organisation for Economic Co-operation and Development, p.245. 2007. ISBN 9789264031159.

[6] Khabarovsk Region prevents poisoned Sungari water from reaching Amur Arquivado 18 de marzo de 2012 en Wayback Machine., 30 de xullo de 2010, Moscow Time

[7] Defence lines were opened in attempt to intercept the barrels with chemicals, RIA Novosti, 30 de xullo de 2010 (en ruso)

[1]