Pobo sidama
| Pobo sidama | |
|---|---|
 Rapaces sidama. | |
| Poboación | |
| Poboación total: c 3,8 millóns | |
| Rexións principais: | |
 Etiopía | 3,8 millóns (censo de 2007)[1] |
| Aspectos culturais | |
| Lingua | Lingua sidamo |
| Relixión | Maioría cristiá protestante |
| Grupos relacionados | Afar • Agaw • Amhárico • Beja • Beta Israel • Bilen • Gurage • Jeberti • Saho • Somalí • Tigré • e outros pobos semíticos e cuxitas[2] |
Os sidama (en ge'ez: ሲዳማ) son un grupo étnico cuxita que habita tradicionalmente a zona Sidama da Rexión das Nacións, Nacionalidades e Pobos do Sur (SNNPR) en Etiopía. Falan a lingua sidamo, que é unha lingua da póla cuxita das linguas afroasiáticas. Malia o seu gran número, non contan cun estado rexional étnico separado.[3]
Os sidama mantiveron a súa herdanza cultural, incluíndo lingua e relixión tradicional até finais da década de 1880, durante a conquista do emperador Menelik II.[4] Antes diso, os sidama tiñan o seu propio sistema administrativo ben estabelecido que databa cando menos do século IX, aínda que estaba composta por unha coalición de reinos de sidama. Eses reinos estendíanse até a rexión Gibe. Como resultado da marxinación e a que a lingua non ten o seu propio alfabeto, moi pouco se ten escrito sobre os sidama. Ningún sidama puido asistir ó colexio até despois de que Derg chegou ó poder en 1975.
Notas
[editar | editar a fonte]- ↑ "Census 2007" Arquivado 04 de xuño de 2012 en Wayback Machine., first draft, Table 5.
- ↑ Joireman, Sandra F. (1997). Institutional Change in the Horn of Africa: The Allocation of Property Rights and Implications for Development. Universal-Publishers. p. 1. ISBN 1581120001.
- ↑ Allen, Lovaise. BRILL, ed. The Politics of Ethnicity in Ethiopia. p. 154. Consultado o 8 de decembro de 2016.
- ↑ S. Y. Hameso, Trevor Trueman, Temesgen M. Erena 1997
 |
Wikimedia Commons ten máis contidos multimedia na categoría: Pobo sidama  |
