North Uist

North Uist

Tipo	illa
Parte de	Hébridas de Fóra
Situado na entidade xeográfica	Hébridas de Fóra
Localización
División administrativa	Hébridas de Fóra, Reino Unido e North Uist, Reino Unido (en)
57°36′00″N 7°20′00″O / 57.6, -7.3333333333333
Bañado por	The Minch (pt) e Mar das Hébridas
Características
Superficie	30.305 ha

North Uist (en escocés: Uibhist a Tuath) é unha illa das Hébridas Exteriores.

Está unida a Benbecula vía Grimsay, a Berneray, e a Baleshare. A excepción do sueste, a illa é moi plana e maioritariamente cuberta de auga. Algúns dos pequenos lagos teñen mestura de auga doce e auga salgada.

North Uist é a décima illa máis grande de Escocia e a décimo terceira de Gran Bretaña (excluída Irlanda). A súa superficie é de 117 millas cadradas, algo máis pequena que South Uist.

A illa é coñecida pola súa ornitoloxía, razón pola cal hai unha reserva natural en Balranald.

Segundo o censo de 2001 tiña unha poboación de 1.657 habitantes.

A poboación máis grande é Lochmaddy, un porto de pesca e onde hai un museo, un centro artístico e unha cámara escura. Outras poboacións inclúen Carinish, Port nan Long, Scolpaig e Chorùna ou Corùna.

North Uist ten multitude de estruturas prehistóricas, entre as que se inclúen as tumbas de Barpa Langass, o círculo de pedras Pobull Fhinn e os menhires de Fir Bhreige.

A illa tamén é coñecida polo seu club atlético (North Uist Amateur Athletics Club), que fomenta as competicións atléticas a nivel local.

Dòhmnall Ruadh Chorùna (1887-1967) foi un dos grandes bardos escoceses do século XX, músico e poeta que recibe o seu nome da pequena aldea de Chorùna, chamada así pola Coruña galega e as historias da batalla de Elviña, na que combateu xente de North Uist.^[1][2]

A cantante Julie Fowlis naceu en Uibhist a Tuath, e canta maiormente cancións folclóricas da illa.

Wikimedia Commons ten máis contidos multimedia na categoría:  North Uist

• Balranald Reserva Natural
• Taigh Chearsabhagh
• Centro UistArquivado 20 de xuño de 2008 en Wayback Machine. .