Nanoarqueotas

Nanoarchaeum equitans

Dominio:	Archaea
Filo:	Nanoarchaeota

Xénero

Nanoarchaeum

Os nanoarqueotas (Nanoarchaeota) son un filo (e tamén un reino) do dominio Archaea que foi especialmente creado para clasificar a especie Nanoarchaeum equitans, descuberta en 2002, que ten unhas relacións de parentesco inseguras.^[1]^[2]

Nanoarchaeum equitans é unha célula esférica diminuta, de só 400 nm, que vive sobre a superficie doutras arqueas máis grandes específicas do xénero Ignicoccus, en chemineas hidrotermais oceánicas (hipertermófila). Ten o xenoma máis pequeno entre as arqueas (uns 0,5 Mb). Como esta especie tiña unha secuencia de ARNr 16S tan peculiar era indetectable polos métodos usuais de estudos ecolóxicos baseados na PCR. O exame inicial desta secuencia indica que o organismo pertence moi probablemente ao dominio Archaea. O organismo puido ser cultivado e ao comparar esta secuencia de ARNr coas dos filos principais de arqueas, Euryarchaeota e Crenarchaeota, aprécianse diferenzas tan grandes como a diferenza que hai entre eses dous filos, polo que se lle asignou un novo filo, chamado Nanoarchaeota.

Porén, outro grupo de investigadores en 2005 comparou outras mostras de secuencias xenómicas de proteínas ribosómicas e outros marcadores e sostén que a especie está máis próxima ao filo Euryarchaeota, concretamente ao grupo das Thermococcales, pero que sufriu unha rápida evolución e transferencia lateral de xenes, polo que non se xustificaría a creación do novo filo.^[3]

Notas

↑ Huber H, Hohn MJ, Rachel R, Fuchs T, Wimmer VC, Stetter KO. (2002). "A new phylum of Archaea represented by a nanosized hyperthermophilic symbiont". Nature 417 (6884): 27 – 8. PMID 11986665.
↑ E. Waters; et al. (2003). "The genome of Nanoarchaeum equitans: insights into early archaeal evolution and derived parasitism". Proceedings of the National Academy of Sciences. PNAS 100 (22): 12984–8. PMC 240731. PMID 14566062.
↑ C. Brochier; et al. (2005). "Nanoarchaea: representatives of a novel archaeal phylum or a fast-evolving euryarchaeal lineage related to Thermococcales?". Genome Biology 6 (5): R42. PMC 1175954. PMID 15892870.

Véxase tamén

Ligazóns externas

NCBI - Nanoarchaeota (en inglés)
Tree of Life - Nanoarchaeota Arquivado 12 de setembro de 2019 en Wayback Machine. (en inglés)
LSPN - Nanoarchaeota (en inglés)

[1] Huber H, Hohn MJ, Rachel R, Fuchs T, Wimmer VC, Stetter KO. (2002). "A new phylum of Archaea represented by a nanosized hyperthermophilic symbiont". Nature 417 (6884): 27 – 8. PMID 11986665.

[2] E. Waters; et al. (2003). "The genome of Nanoarchaeum equitans: insights into early archaeal evolution and derived parasitism". Proceedings of the National Academy of Sciences. PNAS 100 (22): 12984–8. PMC 240731. PMID 14566062.

[3] C. Brochier; et al. (2005). "Nanoarchaea: representatives of a novel archaeal phylum or a fast-evolving euryarchaeal lineage related to Thermococcales?". Genome Biology 6 (5): R42. PMC 1175954. PMID 15892870.

[1]