Megawati Sukarnoputri
Megawati Sukarnoputri, nada como Diah Permata Megawati Setiawati Soekarnoputri, en 1947), política, foi a primeira muller presidente de Indonesia. Gobernou entre 2001 e 2004.
Megawati Sukarnoputri é filla do primeiro presidente de Indonesia, Sukarno. Tralo golpe de Estado que derribou ao seu pai en 1967, a familia continuou vivindo en Indonesia, onde Megawati formou a súa familia e se mantivo afastada da política por moitos anos. En 1986 o seu pai recibe o título de Heroe por parte de Suharto, e os seguidores do expresidente logran o permiso para fundar o seu propio partido político, o Partido Democrático Indonesio. Entón os líderes do novo partido logran convencer a Megawati para que abandone a súa ata entón tranquila vida doméstica e se presente ás eleccións lexislativas de 1987, nas que logra un escano.
En 1993 convértese na máxima líder do partido e desde entón emprende unha dura oposición ao goberno de Suharto, ata a súa renuncia en 1998. Nas eleccións de 1999 logra o 33% dos votos, convertendo a súa organización no primeiro partido de Indonesia. Na disputa pola presidencia do país, no interior do parlamento, Megawati enfróntase ao novo mandatario Jusuf Habibie, pero ante a polarización xerada e o xurdimento dunha terceira opción, decide declinar e apoiar a elección de Abdurrahman Wahid, quen lle devolve o apoio ao permitirlle a súa chegada á vicepresidencia.
Logo de participar infrutuosamente no goberno de unidade de Wahid, decide romper relacións co presidente, o que agrava a tremenda crise política do país, que se tranquiliza coa renuncia de Wahid e o ascenso de Sukarnoputri á presidencia o 23 de xullo de 2001. En 2004 perde as eleccións presidenciais fronte a Susilo Bambang Yudhoyono.
| Presidente de Indonesia | ||
|---|---|---|
Segue a: Abdurrahman Wahid |
Megawati Sukarnoputri | Precede a: Susilo Bambang Yudhoyono |
| Partai Demokrasi Indonesia Perjuangan - PDI-P | ||
| Control de autoridades |
|
|---|
