Lev Semiónovich Berg

Lev Semiónovich Berg
	;
Nome orixinal	(ru) Лев Семёнович Берг
Biografía
Nacemento	2 de marzo de 1876 (Xuliano) ; Tighina, Moldova (pt)
Morte	24 de decembro de 1950 (74 anos); Komarovo, Rusia (en)
Lugar de sepultura	Literatorskie mostki
Educación	Imperial Moscow University (en) (–1898); Universidade Estatal de Moscova (–1898)
Director de tese	Vasily Dokuchaev (pt)
Actividade
Campo de traballo	Ictioloxía, evolutionism (en) , xeografía, Evolução dos peixes (pt) e sistemática
Ocupación	biólogo, zoólogo, xeógrafo, explorador, ictiólogo
Empregador	Sociedade Geográfica Russa (pt) , presidente (1940–1950) ; Zoological Institute RAS (en) , head of laboratory (en) (1934–1950) ; Zoological Institute RAS (en) (1904–1913) ; Imperial St. Petersburg University (en)
Membro de	Academia de Ciencias de Rusia (académico) (1946–); Academia de Ciencias de Rusia (membro correspondente) (1928–)
Profesores	Dmitry Anuchin (en)
Alumnos	Anatole Grigorievich Isachenko (pt)
Obra
	Obras destacables (1922) Nomogenesis (en) ; (1940) Classification of fishes, both recent and fossil (en) ;
Doutorando	Anatole Grigorievich Isachenko (pt) , Ivan Fedorovich Pravdin (en) e Petro Pavlov (en)
Abreviatura do autor en zooloxía	L.S.Berg
Familia
Fillos	Raïssa Berg
Premios
	(1951) Premio Stalin; Constantin Medal (en) ; Medalla polo Traballo Valente na Gran Guerra Patria 1941-1945; Medalha pela Defesa de Leningrado (pt) ; Bandeira Vermella do Traballo; Honored Scientist of the RSFSR (en) ;
Descrito pola fonte	Obálky knih, ; Grande Enciclopedia Soviética (1926—1947)

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Lev Semiónovich Berg (en ruso: Лев Семёнович Берг), nado o 14 de marzo de 1876 en Bender, Moldova e finado o 24 de decembro de 1950 en Leningrado (actualmente San Petersburgo), coñecido na bibliografía científica como Leo S. Berg, foi un xeógrafo e biólogo soviético.

Traxectoria

Lev Berg graduouse na Universidade Estatal de Moscova en 1898. Entre 1903 e 1914 traballou no Museo de Zooloxía de San Petersburgo. Foi un dos fundadores do Instituto Xeográfico, que se converteu no que na actualidade é a Facultade de Xeografía da Universidade de San Petersburgo.

Berg estudou e determinou a profundidade dos lagos de Asia Central, incluíndo o Baikal e o Issyk Kul. Sentou as bases da limnoloxía en Rusia cos seus estudos sobre as condicións ambientais da auga doce (sobre todo en lagos).

Foi considerado unha eminencia en ictioloxía. En 1916 publicou catro volumes de "Peixes de Rusia". A décimo cuarta edición foi publicada baixo o nome de "Peixes de auga doce da Unión Soviética e países adxacentes"; con este libro gañou o Premio Stalin, de maneira póstuma, en 1951.

Considérase como o descubridor da relación de simbiose que existe entre a lamprea e o salmón. Fixo numerosos estudos e descubrimentos neste campo, tanto desde un punto de vista paleontolóxico, como anatómico e embriolóxico. Interesouse polos ciclos reprodutivos dos peixes e pola influencia das variacións climáticas nas especies migratorias.

Desenvolveu a teoría de Vasili Dokucháyev das zonas naturais, teoría que se converteu nun dos piares da bioloxía soviética. Realizou estudos pioneiros sobre climatoloxía entre os que se encontran monografías como "O clima e a vida" (1922) ou "Fundamentos de climatoloxía" (1928). Investigou sobre a cronoloxía das principais glaciacións.

Desempeñou o cargo de presidente da Sociedade Xeográfica Soviética entre 1940 e 1950. Foi un dos pais da xeografía rusa. Foi o primeiro en Rusia en dar unha definición con vocación holística da paisaxe, como un todo que engloba relevo, clima, vexetación, tipo de solo etc. Enclavouse dentro da corrente do determinismo ambiental.

En Occidente, Berg é máis coñecido por ser o autor da controvertida teoría sobre a macroevolución da Nomocénese.^[1]

Ao longo da súa vida recibiu varios premios, ademais do xa mencionado Premio Stalin. Outorgáronselle a medalla da Orde da Bandeira Vermella do Traballo(1945), a Medalla pola Defensa de Leningrado (1945) e a Medalla polo Labor Meritorio durante a Gran Guerra Patriótica (nome ruso da segunda guerra mundial) (1946).

En 2001, o Banco Central de Transnistria ^[2] cuñou unha moeda de prata en honor do seu paisano, como parte dunha serie de moedas conmemorativas titulada "Personaxes sobresalientes de Pridnestrovie".

Abreviatura

A abreviatura L. S. Berg emprégase para indicar a Lev Semiónovich Berg como autoridade na descrición e taxonomía en zooloxía.

Especies e xéneros descritos

Berg describiu e denominou máis de 60 especies e xéneros de plantas e animais como, por exemplo:

Ophiocephalus warpachowski L. S. Berg, 1909
Cyprinodontiformes L. S. Berg, 1940
Heterodontiformes L. S. Berg, 1940

Levan o seu nome

Ademais, outras especies foron denominadas en su honor, como:^[3]

Bathyraja bergi Dolganov, 1985 (Rajidae)
Cryptacanthoides bergii Lindbergh, 1930 (Cryptacanthodidae)
Cyclopteropsis bergi Popov, 1929 (Cyclopteridae)
Nemadactylus bergi Norman, 1937 (Cheilodactylidae)
Ophiocephalus warpachowski bergi (Ophiocephalidae)
Psammobatis bergi Marini, 1932 (Arhynchobatidae)
Scorpaena bergii Evermann & Marsh, 1900 (Scorpaenidae)
Taurocottus bergi Soldatov & Pavlenko, 1915 (Cottidae)

Notas

↑ Berg, Lev Semiónovich (1922): Nomogenes ili evolutsia na osnove zakonomernostey. Trudy Geograficheskogo Instituta.
↑ Transnistria (nalgúns casos escrito como Transdniéster, Transdniestria ou Cisdniéster) é un territorio separatista na República de Moldova, de poboación maioritaria rusófona, situado principalmente entre o río Dnister e a fronteira oriental da República de Moldova con Ucraína. Desde a súa declaración de independencia en 1990 e especialmente despois da Guerra de Transnistria en 1992, está gobernada como a República Moldova Pridnestroviana (RMP), tamén coñecida como Pridnestrovia, un estado non recoñecido que reclama o territorio ao leste do río Dnister, a cidade de Bender e as súas localidades circundantes situadas na ribeira oeste. A República de Moldova non recoñece a secesión e considera que os territorios controlados pola RMP son parte da rexión autónoma moldova de Stînga Nistrului (literalmente, "a ribeira esquerda do Dnister"), oficialmente denominada Unidade Territorial Autónoma de Transnistria, cun status xurídico especial.
↑ Biographical Etymology of Marine Organism Names (BEMON) Arquivado 16 de maio de 2011 en Wayback Machine. (en inglés) Consultada o 13/11/2012.

Véxase tamén

Ligazóns externas

Biografía na Encyclopedia Britannica (en inglés) Consultada o 13/11/2012.

[1] Berg, Lev Semiónovich (1922): Nomogenes ili evolutsia na osnove zakonomernostey. Trudy Geograficheskogo Instituta.

[2] Transnistria (nalgúns casos escrito como Transdniéster, Transdniestria ou Cisdniéster) é un territorio separatista na República de Moldova, de poboación maioritaria rusófona, situado principalmente entre o río Dnister e a fronteira oriental da República de Moldova con Ucraína. Desde a súa declaración de independencia en 1990 e especialmente despois da Guerra de Transnistria en 1992, está gobernada como a República Moldova Pridnestroviana (RMP), tamén coñecida como Pridnestrovia, un estado non recoñecido que reclama o territorio ao leste do río Dnister, a cidade de Bender e as súas localidades circundantes situadas na ribeira oeste. A República de Moldova non recoñece a secesión e considera que os territorios controlados pola RMP son parte da rexión autónoma moldova de Stînga Nistrului (literalmente, "a ribeira esquerda do Dnister"), oficialmente denominada Unidade Territorial Autónoma de Transnistria, cun status xurídico especial.

[3] Biographical Etymology of Marine Organism Names (BEMON) Arquivado 16 de maio de 2011 en Wayback Machine. (en inglés) Consultada o 13/11/2012.

[1]