Leiro

Leiro

Localización
42°22′09″N 8°07′29″O / 42.369166666667, -8.1247222222222
Estado	España
Comunidade autónoma	Galicia
Provincia	provincia de Ourense
Capital	Leiro
Poboación
Poboación	1.481 (2023) (38,67 hab./km²)
Xeografía
Parte de	Mancomunidade I. V. do Ribeiro Mancomunidade Turística dos Concellos do Carballiño, Ribadavia, Boborás e Leiro
Superficie	38,3 km²
Altitude	90 m
Comparte fronteira con	Carballeda de Avia San Amaro Cenlle O Carballiño Avión Boborás Beade
Organización política
• Alcalde	Francisco José Fernández Pérez (2019–)
Eleccións municipais en Leiro
Identificador descritivo
Código postal	32...
Fuso horario	UTC+01:00
Código INE	32040
Sitio web	concellodeleiro.com

Leiro é un concello da provincia de Ourense, pertencente á comarca do Ribeiro. Segundo o Padrón municipal, en 2022 tiña unha poboación de 1.522 habitantes. Isto representa unha diminución constante respecto ós anos 2015, (1.630 hab.), 2004 (1.940 hab.) e 2003 (1.967 hab.).

Xa no século VI existía nestas terras unha próspera comunidade agrícola. En 928 os condes Álvaro e Savita fundaron o mosteiro de San Clodio, cedido á Orde de San Bieito xunto con gando e terras nas marxes do río Avia. No século XIII incorporouse á Orde do Císter, época de máximo esplendor. No século XIX foi desocupado coa desamortización de Mendizábal.

Outras terras do concello foron administradas por Berán, Lamas, Serantes e Orega, condes de Ribadavia, e as terras de Gomariz pertencían ao mosteiro de Sobrado dos Monxes.

No concello atópase o mosteiro de San Clodio, do século VI, que na actualidade funciona como hotel-monumento de catro estrelas.

A arquitectura románica aparece nas igrexas parroquiais de Santa María de Lamas, San Tomé de Serantes (cun baldaquino gótico no seu interior), Gomariz e Lebosende (con fachada gótica do século XVI). A igrexa de San Breixo de Berán é barroca, do século XVIII, con restos renacentistas e un escudo dos Sarmiento na fachada. A capela de San Pedro, en Leiro, é de mediados do século XVII.

Salienta Pena Corneira, un espazo declarado monumento natural, con formacións rochosas senlleiras e un importante patrimonio natural.

• 
  Mosteiro de San Clodio de Leiro
• 
  Mosteiro de San Clodio de Leiro
• 
  Mosteiro de San Clodio de Leiro
• 
  Casa do concello.
• 
  Placa altimétrica do concello.
• 
  Paseo fluvial no río Avia.
• 
  Río Avia ó seu paso polo concello.

Para unha lista completa de todos os lugares do concello de Leiro vexa: Lugares de Leiro.

Wikimedia Commons ten máis contidos multimedia na categoría:  Leiro

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.