Implantes de polipropileno

Atención: Este artigo ou apartado precisa dun traballo de revisión. as fontes empregadas como referencias non son fiables Por favor, vexa a lista de problemas indicados neste modelo e mellóreo de acordo coas indicacións. Cando os problemas se resolvan, retire esta mensaxe, pero non quite esta mensaxe ata que estea todo solucionado. De ser posible, sería mellor substituír este marcador por outro máis específico. (Desde maio de 2016)

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2016.)

Este artigo ou sección precisa revisión por alguén que saiba deste tema. Se ten eses coñecementos mellore este artigo. (Desde maio de 2016.)

Os implantes de polipropileno son un tipo de implantes mamarios desenvolvidos polo cirurxián Gerald W. Johnson^[1] que, por causa das súas complicacións médicas, foron prohibidos en 2001 na Unión Europea e nos Estados Unidos ao pouco do seu lanzamento.

O procedemento^[1][2] consiste en inserir nos peitos unha bolsa cunhas fibras de polipropileno, xeralmente sobre o músculo, que irritan os tecidos da mama e fan que esta xere un fluído corporal que absorbe nunha cantidade baixa, apenas o 0,01% ao día. Isto provoca un crecemento continuado do peito que só se pode deter extraíndo as fibras de polipropileno. Ademais, outros inconvenientes son que os peitos poden medrar a ritmos diferentes e ás veces é preciso realizar drenaxes para paliar un aumento desmesurado. Porén, o aumento realízase con fluídos naturais da propia persoa, polo que se evita ter no corpo unha gran cantidade substancias alleas ao organismo, como ocorreria no caso de pretender alcanzar ese tamaño con outro tipo de implantes. Alén diso, diversas usuarias que xa probaran outro tipo de prótesis mamarias expuxeron que os implantes de polipropileno causan unha sensación máis natural no corpo do que os implantes de silicona^[1].

Así, os resultados deste procedemento tornáronse nos maiores aumentos de peito nunca rexistrados cunha soa operación, e foron descritos como unha expansión “extrema, case do tamaño dos debuxos animados”^[2]. Por estes motivos, este tipo de implantes foron usados principalmente no eido da pornografia, especialmente por aquelas modelos incluídas na categoría de big-bust models ou de peitos grandes. As modelos que recoñeceron ter estes implantes son Chelsea Charms, Teddi Barrett, Maxi Mounds, Kayla Kleevage, Minka, Elizabeth Starr, Melonie Charm e Mistress Rhiannon^[3].

• Implante mamario
• Cirurxía plástica