Herba do gato
| Herba do gato | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Pulicaria dysenterica | |||||||||||||||||||||||
| Clasificación científica | |||||||||||||||||||||||
| |||||||||||||||||||||||
A herba do gato[1] (Pulicaria dysenterica) é unha planta da familia das asteráceas.
Descrición
[editar | editar a fonte]Planta vivaz, de 20–70 cm de alto, ramificada por riba, formando crecenzas de suave recendo. Talo de vilosidade lanosa por riba. Follas basais pecioladas, marchitas na floración. Follas caulinares alternas, lanceoladas, de 2–5 cm de longo, coa base acorazonada até en forma de frecha, arrodeando o talo, aserradas, verdes, ásperas pola face, polo envés tomentosas de cinsento. Numerosos capítulos de 1,5–3 cm de largo, semiesféricos. Pedúnculos dos capítulos de 1,5,2,5 cm de longo, cun hipsofilo como máximo. Involucro de varias camadas. Brácteas involucrais máis ou menos punxentes e máis ou menos laúdas e glandulosas. Lígulas amarelas douradas, sobresaíndo uns 5 mm do involucro. Flósculos amarelos. Froitos de 1,5 mm de longo, con 14-20 sedas arrodeadas dunha coroa membranosa. Florea polo verán.[2]
Distribución e hábitat
[editar | editar a fonte]Mediterráneo e no norte até Europa central. Pradeiras húmidas, brañas, lameiros, gabias.
Importancia económica e cultural
[editar | editar a fonte]- Usos
Antihistamínica ( prevén o broncoespasmo) e cardioestimulante. Popularmente emprégase como antibacteriana no tratamento das diarreas e como antidisentérica.
Dose: Infusión ao 2%, 2-3 cuncas ao día despois das comidas. Cómpre non adozar.
Parte utilizada: extermo superior aéreo.
- Principios activos
Polienos e poliínos. Flavonoides e ácidos fenólicos.[3]
Taxonomía
[editar | editar a fonte]Pulicaria dysenterica foi descrita por (L.) Bernh. e publicado en Systematisches Verzeichnis 153. 1800.[4]
Número de cromosomas de Pulicaria dysenterica (Fam. Compositae) e táxones infraespecíficos: 2n=20.[5]
- Varieadades aceptadas
- Pulicaria uliginosa Stev. ex DC.
- Aster dysentericus (L.) Scop.
- Diplopappus dysentericus (L.) Bluff & Fingerh.
- Pulicaria dysenterica var. dysenterica[6]
- Galego: herba do gato, desentérica[7]
Notas
[editar | editar a fonte]- ↑ Nome vulgar galego en Nomenclatura vernácula da flora vascular galega, Santiago de Compostela, Xunta de Galicia, 1991; "Botánica" en Vocabulario de ciencias naturais, Santiago de Compostela, Xunta, 1991
- ↑ Bayer, Ehrentraud; Buttler; Finkenzeller; Grau (1989). Plantas del Mediterráneo. Barcelona:Blume. ISBN 84-7031-629-X.
- ↑ Bautista Peris, J.; Stübing G., Romo A. (2001). Plantas Medicinales de la Península Ibérica e Islas Baleares. Madrid:Jaguar. ISBN 84-89960-51-6.
- ↑ "Herba do gato". Tropicos.org. Missouri Botanical Garden. Consultado o 26 de setembro de 2014.
- ↑ Proves Chromosome atlas of flowering plants. Darlintong, C. D. & A. P. Wylie (1955).
- ↑ "Herba do gato". The Plant List. Arquivado dende o orixinal o 30 de maio de 2020. Consultado o 26 de setembro de 2014.
- ↑ Nome vular en Diccionario Gallego, Juan Cuveiro Piñol (1876), Barcelona
Véxase tamén
[editar | editar a fonte]Outros artigos
[editar | editar a fonte]Bibliografía
[editar | editar a fonte]- AFPD. 2008. African Flowering Plants Database - Base de Donnees des Plantes a Fleurs D'Afrique.
- Fernald, M. 1950. Manual (ed. 8) i–lxiv, 1–1632. American Book Co., Nova York.
- Flora of China Editorial Committee. 2011. Flora of China (Asteraceae). 20–21: 1–992. In C. Y. Wu, P. H. Raven & D. Y. Hong (eds.) Fl. China. Science Press & Missouri Botanical Garden Press, Beijing & St. Louis.
Ligazóns externas
[editar | editar a fonte] |
Wikispecies posúe unha páxina sobre: Herba do gato |
 |
Wikimedia Commons ten máis contidos multimedia na categoría: Herba do gato  |
