Henry Le Chatelier

Henry Le Chatelier
	;
Nome orixinal	(fr) Henry Louis Le Châtelier
Biografía
Nacemento	8 de outubro de 1850 ; París, Francia
Morte	17 de setembro de 1936 (85 anos); Miribel-les-Échelles, Francia
Presidente Société d'encouragement pour l'industrie nationale (en)
	1903 – 1905
Datos persoais
Educación	Escola Superior de Minas de París (1871–1873); Escola Politécnica (1869–1870); Universidade de París ; Collège-lycée Jacques-Decour (en) ; Collège Stanislas (París)
Actividade
Campo de traballo	Química
Ocupación	químico, enxeñeiro, catedrático
Empregador	Collège de France (pt) , catedrático (1898–1907) ; Universidade de París
Membro de	Academia das Artes e das Ciencias dos Estados Unidos (1919–); Accademia delle Scienze di Torino (1918–); Royal Society (1913–); Academia francesa das ciencias (1907–); Real Academia das Ciencias de Suecia (1907–); Ligue de la Patrie Française‏ (en) ; Academia das Ciencias de San Petersburgo ; Accademia Nazionale delle Scienze detta dei XL ; Academia de Ciencias de Rusia ; Academia de Ciencias da URSS ; Academia Prusiana das Ciencias
Obra
Doutorando	Nathalie Demassieux (en) e Paul Frédéric Laffitte (pt)
Familia
Fillos	François Le Chatelier
Pai	Louis Le Chatelier
Irmáns	André Le Chatelier; Louis Le Chatelier; Alfred Le Chatelier
Premios
	(1934) Doutor honoris causa pola Universidade Complutense de Madrid; (1927) grande oficial da Lexión de Honra; (1921) honorary doctor of the Technical University of Denmark (en) ; (1919) comandante da Lexión de Honra; (1916) Medalla Davy; (26 de xuño de 1913) Membro estranxeiro da Royal Society; (1908) Oficial da Lexión de Honra; (1887) Cabaleiro da Lexión de Honra; Bessemer Gold Medal (en) ;
Descrito pola fonte	Nordisk familjebok; Grande Enciclopedia Soviética 1969-1978, (sec:Ле Шателье Анри Луи); Dicionario Enciclopédico Brockhaus e Efron

Henry Louis Le Chatelier, nado o 8 de outubro de 1850 en París e finado o 17 de setembro de 1936 en Miribel-les-Échelles, foi un químico francés, coñecido polo principio dos equilibros químicos que leva o seu nome.

Traxectoria

Era fillo de Louise Durand e de Louis Le Chatelier, un enxeñeiro que tivo un gran papel na industria francesa decimonónica grazas á introdución do proceso Martin-Siemens na siderurxia. Tivo unha irmá, Marie, e catro irmáns Louis 1853-1928, Alfred 1855-1929, Georges 1857-1935 e André 1861-1929. A súa educación foi rigorosa e estrita.^[1] Estudou na École Polytechnique e como todos os alumnos acadou o rango de subtenente o 11 de setembro de 1870 e participou no sitio de París. Despois entrou na Escola Superior de Minas de París en 1871. Frecuentou o laboratorio de Henri Sainte-Claire Deville na Escola Normal Superior de París. Malia a súa formación de enxeñeiro, interesouse polos problemas industriais, dedicándose ao ensino e á investigación en química. Desde 1887 foi profesor de química xeral do curso preparatorio da Escola Superior de Minas de París e en 1897 logrou a cátedra de química industrial da Escola, que conservou ata o seu retiro. Foi o sucesor de Paul Schützenberger na cátedra de química mineral no Collège de France, e despois sucedeu a Henri Moissan na cátedra de química xeral da Facultade de Ciencias de París ata 1925 ao ser substituído por André Job. En 1907 entrou na Academia de Ciencias de Francia.

Sobre todo coñécese a Henry Le Chatelier por dous temas sobre os que vai publicar uns trinta traballos entre 1884 e 1914, o principio do equilibrio químico que leva o seu nome, e que permite predicir cara a onde evolucionará un equilibrio químico dunha forma cualitativa cando se introduce unha modificación, tal como unha variación de temperatura, de presión ou volume, nalgún dos seus compoñentes. O outro tema foi o da solubilidade dos sales nunha solución ideal. Mais tamén efectuou numerosos traballos en metalurxia, foi un dos fundadores da revista técnica La revue de métallurgie.

Obras

Cours de chimie industrielle (1896; segunda edicón, 1902)
Recherches expérimentales sur la constitution des mortiers hydrauliques (1904)
Leçons sur le carbone (1908)
Introduction à l'étude de la métallurge (1912)
La silice et les silicates (1914)

Notas

↑ Guillet, Louis (1937). "Henry Le Chatelier, sa vie son oeuvre". Revue de métallugie 18: 84–90. ISSN 0035-1563. Consultado o 13 de maio de 2010.

[1] Guillet, Louis (1937). "Henry Le Chatelier, sa vie son oeuvre". Revue de métallugie 18: 84–90. ISSN 0035-1563. Consultado o 13 de maio de 2010.

[1]