Giulio Cesare (ópera)

Giulio Cesare in Egitto; Xulio César en Exipto
	Manuscrito da primeira edición (1724).
Forma	Ópera
Actos e escenas	3 actos
Idioma orixinal do libreto	Italiano
Libretista	Nicola Francesco Haym
Fontes literarias	Adaptado dun libreto de G. F. Bussani
Estrea	20 de febreiro de 1724
Teatro da estrea	Dorset Garden Theatre
Lugar da estrea	Londres
Duración	3 horas 15 minutos
Música
Compositor	Georg Friedrich Händel
Personaxes
	Giulio Cesare (mezzosoprano ou contralto); Sesto (mezzosoprano); Tolomeo (contralto); Achilla (Aquiles) (baixo); Cleopatra (soprano lírico-spinto); Cornelia (contralto ou mezzosoprano); Curio(barítono); Nireno (contratenor)

Giulio Cesare in Egitto (en galego Xulio César en Exipto), tamén denominada simplemente como Giulio Cesare (en galego, Xulio César), é unha ópera en tres actos con música de Georg Friedrich Händel e libreto en italiano de Nicola Francesco Haym quen empregou un libreto anterior de Giacomo Francesco Bussani musicado por Antonio Sartorio (1676). O libreto baséase dun xeito moi libre a chegada de Xulio César a Alexandría logo da batalla de Actium, e a súa relación con Cleopatra. Foi composta para a Royal Academy of Music.

A ópera foi estreada o 20 de febreiro no Dorset Garden Theatre de Haymarket (Londres) coa famosa soprano Francesca Cuzzoni e o castrato Francesco Bernardi Senesino e foi un éxito inmediato, un dos máis grandes de Händel. En vida do compositor volveuse representar en 1725, 1730 e 1732; tamén se representou en París, Hamburgo e Brunswick. Como a meirande parte das óperas de Händel, Giulio Cesare caeu no esquecemento no século XIX, e non foi ata 1922 cando se volveu representar en Göttingen. Coa recuperación da música barroca a partir dos anos '50, converteuse nunha das óperas máis populares de Händel.

Os papeis principais de Giulio Cesare, Sesto e Tolomeo foron escritos para castrati. Actualmente estes papeis adoitan ser interpretados por contraltos ou contratenores, aínda que ás veces Giulio Cesare transpórtase a barítono. Está considera unha das mellores óperas de Händel e de todo o repertorio clásico, que destaca polas súas partes vogais, de grande profundidade. É o exemplo máis significativo do ideal heroico e de demostración efectiva de toda a arte e a experiencia que Händel acumulara ata aquela.

Personaxes

Personaxe	Tesitura	Elenco na estrea, 20 de febreiro de 1724 (Director: - )
Cleopatra	soprano	Francesca Cuzzoni
Sesto	soprano	Margherita Durastanti
Giulio Cesare	alto castrato	Senesino
Tolomeo	alto castrato	Gaetano Berenstadt
Nireno	alto castrato	Giuseppe Bigonzi
Cornelia	contralto	Anastasia Robinson
Achilla	baixo	Giuseppe Maria Boschi
Curio	baixo	John Lagarde

Notas

↑ Riding, Alan; Dunton-Downer, Leslie (2008). Guías visuales Espasa: Ópera (en español) (1.ª ed.). Espasa Calpe, S.A. pp. 88–89. ISBN 978-84-670-2605-4.
↑ La Guía visual de la Ópera, Espasa, señala alto (castrato).
↑ La Guía visual de la Ópera, Espasa, señala soprano.
↑ ^4,0 ^4,1 La Guía visual de la Ópera, Espasa, señala alto / castrato.
↑ La Guía visual de la Ópera, Espasa, señala bajo.
↑ José María Martín Triana: El libro de la ópera, segunda reimpresión en "El libro de bolsillo", 1992, Alianza Editorial, ISBN 84-206-0284-1.

Véxase tamén

[1] Riding, Alan; Dunton-Downer, Leslie (2008). Guías visuales Espasa: Ópera (en español) (1.ª ed.). Espasa Calpe, S.A. pp. 88–89. ISBN 978-84-670-2605-4.

[2] La Guía visual de la Ópera, Espasa, señala alto (castrato).

[3] La Guía visual de la Ópera, Espasa, señala soprano.

[ReferenceA-4] 4,0 ^4,1 La Guía visual de la Ópera, Espasa, señala alto / castrato.

[5] La Guía visual de la Ópera, Espasa, señala bajo.

[6] José María Martín Triana: El libro de la ópera, segunda reimpresión en "El libro de bolsillo", 1992, Alianza Editorial, ISBN 84-206-0284-1.

[1]