Gilberto Freyre

Gilberto Freyre
	;
Biografía
Nacemento	15 de marzo de 1900 ; Recife, Brasil
Morte	18 de xullo de 1987 (87 anos); Recife, Brasil
Deputado federal por Pernambuco (pt)
Datos persoais
Educación	Universidade Columbia ; Universidade Baylor (pt)
Actividade
Campo de traballo	Antropoloxía e socioloxía
Lugar de traballo	Brasilia
Ocupación	sociólogo, antropólogo, escritor
Membro de	Academia das Artes e das Ciencias dos Estados Unidos ; Academia de Ciencias de ultramar
Obra
	Obras destacables (1933) Casa-Grande & Senzala (pt) ;
Premios
	(1982) Gran Cruz de Afonso X o Sabio; (1980) Premio Jabuti de Literatura; (1963, 1963) Prêmio Machado de Assis; (1957) Prêmio Anisfield-Wolf (pt) ; doutor honoris causa da Universidade Federal do Ceará (pt) ; doutor honoris causa pola Universidade de Coímbra; Cabaleiro Comandante da Orde do Imperio Británico; Gran Cruz da Orde Militar de Cristo; grande oficial da Lexión de Honra; honorary doctor of the University of Lisbon (en) ; Gran Cruz da Orde de Santiago da Espada ;
Descrito pola fonte	Obálky knih,

Gilberto de Mello Freyre, nado en Recife o 15 de marzo de 1900 e finado na mesma cidade o 18 de xullo de 1987, foi un sociólogo, antropólogo e escritor brasileiro, autor de Casa-grande e senzala, influente ensaio sobre a formación da sociedade brasileira, e creador da tese do Lusotropicalismo.

Traxectoria

Gilberto Freyre era fillo dun xuíz e catedrático de Economía política da Facultade de Dereito de Recife, Alfredo Freyre.

Gilberto iniciou os seus estudos no Colexio Americano Gilreith; o seu mestre, Mr. Williams, ensinoulle a ler e escribir en inglés, o que foi decisivo para o seu futuro. O seu pai ensinoulle latín, e logo aprendeu grego. Realizou estudos superiores na Universidade de Columbia nos Estados Unidos onde coñeceu a Franz Boas, a súa principal referencia intelectual.

É un dos sociólogos máis importantes de América e influíu en numerosos terreos de estudos no Brasil. O seu primeiro e máis importante libro é Casa-Grande e Senzala, foi publicado en1933 e traducido ao castelán, inglés, francés e alemán. Está dividido en cinco capítulos: 1) características da colonización portuguesa; 2) o indíxena na formación da familia brasileira; 3) o colonizador portugués; 4 e 5) o escravo de orixe africana na vida sexual e a familia do brasileiro. As casas-grandes organizaron a vida brasileira colonial, e contrapúñanse ás senzalas, vivendas moi humildes dos escravos. Iso sérvelle como referencia simbólica para describir as relacións sociais no seu traballo interpretativo.

A súa Interpretación do Brasil, recolle ensaios sobre as raíces europeas da historia brasileira, a fronteira e as plantacións do Brasil, a unidade e diversidade rexional brasileira, as condicións étnicas e sociais, a política exterior, a situación étnica e xeográfica, a literatura moderna e os problemas sociais.

En 1946, Gilberto Freyre foi elixido pola União Democrática Nacional para a Assembleia Constituínte ^[1] e, en 1964, apoiou o movemento cívico-militar que derrocaría a João Goulart.

Recoñecementos

Os seus libros foron traducidos, ademais das linguas anteditas, a outras como o italiano ou xaponés. Admirador do lusófilo vasco Unamuno, ao que lembra en moitas ocasións; Freyre alén de socioloxía e antropoloxía, escribiu poesía e ensaio de diversos temas literarios, por exemplo escribiu páxinas sobre Cervantes. Gran lector, reuniu unha notábel e numerosa biblioteca.

Gañou numerosos premios, en distintos países, entre outros os da Academia Brasileira de Letras, o premio Anisfield-Wolf, a orde civil de Afonso X o Sabio, a portuguesa de Santiago da Espada ou a Lexión de Honra francesa.

Obra

Casa-Grande e Senzala, 1933.
Sobrados e Mucambos, 1936.
Nordeste, 1937.
Assucar, 1939.
Olinda, 1939.
O mundo que o português criou, 1940.
A história de um engenheiro francês no Brasil, 1941.
Problemas brasileiros de antropologia, 1943.
Sociología, 1945.
Interpretação do Brasil, 1947.
Ingleses no Brasil, 1948.
Ordem e Progresso, 1957.
O Recife sim, Recife não, 1960.
Brasis, Brasil e Brasília, 1968.
Como e Porque sou e nao sou Sociologo, Brasilia, 1968.
O brasileiro entre os outros hispanos, 1975.

Notas

↑ "Gilberto Freyre: biografia e Casa-Grande & Senzala". Toda Matéria (en portugués). Consultado o 2022-02-08.

Véxase tamén

Outros artigos

Ligazóns externas

[1] "Gilberto Freyre: biografia e Casa-Grande & Senzala". Toda Matéria (en portugués). Consultado o 2022-02-08.

[1]