Frederico III de Sicilia
.svg){kind=small}
.svg)
Frederico III de Sicilia, nado o 1 de setembro de 1341 e finado o 27 de xaneiro de 1377, alcumado como o Sixelo ou o Simple, foi Rei de Sicilia desde 1355 até 1377 (desde 1372, rei de Tricarnia), e duque de Atenas e de Neopatria desde 1355 até a súa morte.
Adoita confundirse co seu antepasado Frederico II, que escolleu chamarse Frederico III por ser o terceiro fillo de Pedro III de Aragón.
Traxectoria
[editar | editar a fonte]Era o segundo fillo de Pedro II de Sicilia e Isabel de Carintia.[1][2][3] Sucedeu ao seu irmán Lois no trono do reino aos 14 anos, baixo a rexencia da súa irmá Eufemia, que se mantivo até 1357,[4] nun contexto de loitas polo poder no que a Aragón e Nápoles disputábanse o reino e alentaban as loitas internas entre os Alagón e os Claramonte.[5]
Os inicios do seu reinado de están chenos de guerras repetitivas contra os napolitanos. En 1356, Xoana I de Nápoles fíxose co control de Mesina e de Palermo, entre outras prazas, o que levou a Frederico III a aliarse con Aragón mediante a súa voda coa filla de Pedro o Cerimonioso, que tiña claras ambicións sobre o reino en virtude do seu casamento con Leonor de Sicilia[6] e que accedeu a prestarlle axuda militar, coa cal puido facer fronte ás disensións internas e conter o avance napolitano.
En 1372 chegouse a un acordo de paz con Nápoles e a Santa Sé. Frederico III recoñeceuse feudatario e triburario de Nápoles, e deu a Xoana o título de raíña de Sicilia, aínda que el gobernaría o territorio como rei de Tricarnia, un acordo que o papa Gregorio IX sancionou.[7]
Foi un rei trobador, do que se conserva unicamente un sirventés.[8]
Matrimonio de descendencia
[editar | editar a fonte]Frederico III casou con Constanza de Aragón, filla de Pedro IV de Aragón, o Cerimonioso. Do seu matrimonio naceu unha única filla, María, que casaría co herdeiro ao trono aragonés, Martiño o Mozo. Tras enviuvar, casou en segundas nupcias con Antonia del Balzo, pero non tivo descendencia e aos dous anos a súa esposa faleceu.
Atribúenselle dous fillos ilexítimos, dunha amante descoñecida.[2]
- Guillerme, que ostentaría o Condado de Malta entre 1375 e 1377.[1]
- Xoana.
| Predecesor: Lois de Sicilia |
Rei de Sicilia 1355-1377 
|
Sucesor: María de Sicilia |
| Predecesor: Frederico I de Atenas |
Duque de Atenas 1355-1377 |
Sucesor: María de Sicilia |
Notas
[editar | editar a fonte]- ↑ 1,0 1,1 Reis de Sicilia en Medieval Lands (en inglés).
- ↑ 2,0 2,1 Casa de Barcellona- genealogy Arquivado 03 de maio de 2011 en Wayback Machine. (en inglés).
- ↑ Petro II de Sicilia - genealogie mittelalter Arquivado 29 de setembro de 2007 en Wayback Machine. (en alemán)
- ↑ Sologenealogia.com - Principessa di Sicilia Eufemia.
- ↑ Google Books. esRevista de España. Volumen 12 (1870) VVAA - Páx. 263.
- ↑ Google Books.es Revista de España. Volumen 12 (1870) VVAA - Páx. 264.
- ↑ Books.google.es Compendio cronológico de los soberanos de Europa, Primera parte (1784) Antoni de Capmany - Páx.196.
- ↑ Frederic III de Sicile en Corpus des Troubadours (en francés).
Véxase tamén
[editar | editar a fonte] |
Wikimedia Commons ten máis contidos multimedia na categoría: Frederico III de Sicilia  |
Bibliografía
[editar | editar a fonte]- Caggese, Romolo (1999): "Italia, 1313-1414", en Storia del mondo medievale', Vol. VI, pp. 297–331.
Outros artigos
[editar | editar a fonte]Ligazóns externas
[editar | editar a fonte]- Frederic III de Sicília no Gran enciclopèdia catalana (en catalán).
