Francisco Villaverde Marcos

Francisco Villaverde Marcos

Biografía
Nacemento	A Baña, España
Alcalde da Baña
1979 – 1995 – José Andrés García Cardeso →
Actividade
Ocupación	político
Partido político	Partido dos Socialistas de Galicia

Francisco Villaverde Marcos, nado en Ames, é un político galego do PSdeG-PSOE.

Foi candidato á alcaldída da Baña nas eleccións municipais de 1979 pola candidatura Independientes Parroquiales, sendo elixido alcalde como cabeza da lista máis votada. Nas municipais de 1983 foi de novo candidato pola formación independente e foi reelixido cunha ampla maioría absoluta. Nas municipais de 1987 foi candidato do PSdeG-PSOE e volveu se reelixido alcalde con maioría absoluta, ó igual que en 1991. Neste último mandato foi deputado provincial. Perdeu a alcaldía en 1995 fronte ó PPdeG, que logrou a maioría absoluta. Foi candidato ó Congreso dos Deputados nas eleccións xerais de 1996, se ben non foi elixido.

Posteriormente trasladouse a Ames, onde foi elixido concelleiro polo PSdeG-PSOE nas municipais de 2007, responsabilizándose das áreas de Cultura, Deportes e Patrimonio Histórico. Nas municipais de 2011 foi suplente na candidatura socialista, pero tras unha cascada de dimisións volveu ser concelleiro en maio de 2013^[1], nesta ocasión na oposición, asumindo tamén a Secretaría Xeral dos PSdeG en Ames dende setembro de 2012^[2]. Concorreu ás municipais de 2015 e 2019 en postos testimoniais, logrando os socialistas a alcaldía en ambas ocasións. Continuou como Secretario Xeral dos socialistas de Ames ata marzo de 2022, cando foi relevado polo alcalde Blas García e pasou a ocupar a secretaría de Relacións Institucionais.

Predecesor: Manuel Gesto Ramos

Alcalde da Baña  1979 - 1995

Sucesor: Andrés García Cardeso

• Eleccións municipais na Baña

• Executiva do PSdeG de Ames Arquivado 28 de marzo de 2022 en Wayback Machine.