Dicologlossa

Dicologlossa
Dicologlossa cuneata na praza de abastos de Santiago
Clasificación científica
Reino: Animalia Filo: Chordata Subfilo: Vertebrata Clase: Actinopterygii Subclase: Neopterygii Infraclase: Teleostei Superorde: Acanthopterygii Orde: Pleuronectiformes Suborde: Pleuronectoidei Familia: Soleidae Xénero: Dicologlossa Chabanaud, 1927 [1]
Especies
Véxase o texto

Dicologlossa é un xénero de peixes teleósteos da orde dos pleuronectiformes, suborde dos pleuronectoideos e familia dos soleidos,^[1] propios das augas tropicais, subtropicais e temperadas do Atlántico oriental.

O xénero foi descrito en 1927 polo ictiólogo francés Paul Chabanaud.^[1]

Durante algún tempo foi tamén coñecido polo sinónimo Dicologoglossa, pero foi rexietado por ser incorrecto desde o punto de vista gramatical.^[1]

O nome Dicologlossa está formado a partir dos elementos do grego antigo δι- di-, "dous, dúas" e -κολο- -colo-, derivado de κόλος cólos, "cortado", "truncado", "mutilado", e do termo γλῶσσα glṓssa, "lingua". Literalmente: "de lingua cortada dúas veces".

Na actualidade no xénero recoñécense as seguintes dúas especies:^[1][2]

• Dicologlossa cuneata (É. Moreau, 1881)
• Dicologlossa hexophthalma (E. T. Bennett, 1831)

Wikimedia Commons ten máis contidos multimedia na categoría:  Dicologlossa

• Pleuronectiformes
• Soleidos