Derik Osede
Biografía | |||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Nacemento | 21 de febreiro de 1993 (31 anos) Madrid, España | ||||||||||||||||||||||||||||||||||||||||||||||||||||||||||||||||||||||||||||||
Altura | 183 cm | ||||||||||||||||||||||||||||||||||||||||||||||||||||||||||||||||||||||||||||||
Actividade | |||||||||||||||||||||||||||||||||||||||||||||||||||||||||||||||||||||||||||||||
Ocupación | futbolista | ||||||||||||||||||||||||||||||||||||||||||||||||||||||||||||||||||||||||||||||
Período de actividade | 20 de outubro de 2012 - | ||||||||||||||||||||||||||||||||||||||||||||||||||||||||||||||||||||||||||||||
Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||
Posición de xogo | Defensa central | ||||||||||||||||||||||||||||||||||||||||||||||||||||||||||||||||||||||||||||||
Número deportivo | 15 | ||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||
Derik Osede Prieto, nado o 21 de febreiro de 1993 en Madrid, é un futbolista español. Xoga de defensa central no Waterford, da Primeira División de Irlanda.
Traxectoria
[editar | editar a fonte]Real Madrid
[editar | editar a fonte]Naceu en Madrid, de nai española e pai nixeriano.[1] Comezou no fútbol no DAV Santa Ana e no 2002 entrou na canteira do Real Madrid. Pasou polos distintos equipos das categorías inferiores e na tempada 2010/11 debutou co Real Madrid C, o segundo filial do club.[2] Na tempada seguinte participou no ascenso deste á Segunda División B.
En setembro de 2012 debutou co primeiro equipo do Real Madrid da man do técnico José Mourinho nun partido amigable contra o Millonarios correspondente ao Trofeo Santiago Bernabéu, que rematou con goleada madrileña por 8-0.[3] Un mes despois xogou o seu primeiro encontro co primeiro filial, o Real Madrid Castilla, nun partido da Segunda división contra o Córdoba. O 1 de febreiro de 2014, marcou o seu primeiro gol como profesional, na vitoria por 4–0 sobre o Hércules no Estadio Alfredo di Stéfano. A tempada rematou co descenso do equipo, con 18 partidos disputados polo futbolista madrileño.
Bolton Wanderers
[editar | editar a fonte]O 6 de xullo de 2015, despois de dúas tempadas co Real Madrid Castilla, asinou un contrato de tres anos co Bolton Wanderers, da segunda división inglesa. Xogou a metade dos encontros na súa primeira campaña no club inglés, que acabou co descenso deste á League One. Continuou dúas tempadas máis en Bolton e marcou o seu primeiro gol co equipo en agosto de 2017, nun partido da EFL Cup contra o Crewe Alexandra.[4]
Numancia
[editar | editar a fonte]A finais de novembro de 2018 fichou polo Numancia, da Segunda división, onde asinou un contrato por dous anos.[5] Xogou 37 encontros nese período, marcando dous goles, e a súa segunda campaña no club acabou co descenso á Segunda División B.
Deportivo da Coruña
[editar | editar a fonte]O 5 de outubro de 2020, anunciouse a súa fichaxe por unha tempada polo Deportivo da Coruña da Segunda División B.[6] No equipo galego non tivo continuidade, xogando só catro partidos como titular e nove en total, e tras lesionarse no tendón de Aquiles durante un partido contra o Pontevedra na xornada 16, non volveu vestir a camiseta do equipo.[7]
Alcoyano
[editar | editar a fonte]Tras varios meses de recuperación na Coruña, e de estar máis de medio ano sen equipo, en febreiro de 2022 asinou co Alcoyano, tamén de Primeira RFEF, a onde chegou para substituír o lesionado Carlos Blanco. Con todo, non chegou a debutar co club de Alcoi.[7]
Pontevedra
[editar | editar a fonte]Trala súa saída do Alcoyano, adestrouse durante meses co Pontevedra, que finalmente lle fixo unha ficha como xogador do equipo en xaneiro de 2023.[8] Disputou un total de 15 partidos ata o remate da tempada, 9 deles como titular, pero o equipo acabou descendendo a Segunda RFEF.
Waterford
[editar | editar a fonte]En setembro de 2023 fichou polo Waterford, da Primeira División de Irlanda.[9]
Selección española
[editar | editar a fonte]Foi internacional coas categorías inferiores na selección española, pasando por todas entre a sub-16 e a sub-21.
En 2012 disputou coa sub-19 o Campionato Europeo en Estonia, sendo defensa titular, marcando un gol e proclamándose finalmente campión tras derrotar a Grecia en Talín.[10]
Palmarés
[editar | editar a fonte]Selección española
- Campionato europeo da UEFA Sub-19 (1): 2019.
Notas
[editar | editar a fonte]- ↑ "Derik Osede, novo xogador do Dépor 20·21". Deportivo da Coruña. 5 de outubro de 2020. Consultado o 12 de xuño de 2021.
- ↑ "Derik Osede Prieto". Real Madrid (en castelán). Arquivado dende o orixinal o 15 de setembro de 2013. Consultado o 12 de xuño de 2021.
- ↑ "José Mourinho hace debutar a los canteranos Derik Osede y Mario Hermoso con el Real Madrid" (en castelán). Consultado o 12 de xuño de 2021.
- ↑ "Crewe Alexandra 1–2 Bolton Wanderers". BBC (en inglés). 9 de agosto de 2017. Consultado o 12 de xuño de 2021.
- ↑ "Osede, nuevo futbolista del Numancia: “Me veo capacitado para debutar ya, pero eso depende del entrenador”" (en castelán). 26 de novembro de 2018. Consultado o 12 de xuño de 2021.
- ↑ "Derik Osede, novo xogador do Dépor 20·21". rcdeportivo.es/gal. 5 de outubro de 2020. Consultado o 5 de outubro de 2020.
- ↑ 7,0 7,1 G. G., Xurxo (22 de xullo de 2022). "El Pontevedra incorpora a prueba al central Derik Osede". Diario de Pontevedra (en castelán). Consultado o 1 de agosto de 2022.
- ↑ Gómez, Xurxo (4 de xaneiro de 2023). "El empeño de Derik Osede convence al Pontevedra" (en castelán). Consultado o 2 de abril de 2023.
- ↑ "Waterford FC Sign Derik Osede" (en inglés). 6 de setembro de 2023. Consultado o 10 de novembro de 2023.
- ↑ "España - Grecia". UEFA (en castelán). Consultado o 13 de xuño de 2021.
Véxase tamén
[editar | editar a fonte]Ligazóns externas
[editar | editar a fonte]- Nados en 1993
- Nados en Madrid
- Españois de ascendencia nixeriana
- Futbolistas da Comunidade de Madrid
- Defensas de fútbol
- Xogadores do Real Madrid C
- Xogadores do Real Madrid Castilla
- Xogadores do Bolton Wanderers FC
- Xogadores do CD Numancia
- Xogadores do Deportivo da Coruña
- Xogadores do CD Alcoyano
- Xogadores do Pontevedra CF
- Xogadores da selección de fútbol de España sub-17
- Xogadores da selección de fútbol de España sub-19
- Xogadores da selección de fútbol de España sub-21