Daniel Day-Lewis

Daniel Day-Lewis

Biografía
Nacemento	(en) Daniel Michael Blake Day 29 de abril de 1957 (67 anos) Kensington, Reino Unido
Residencia	Condado de Wicklow
Grupo étnico	Pobo inglés, Pobo irlandés e Pobo xudeu
Relixión	Agnosticismo
Educación	Bristol Old Vic Theatre School (en) Sevenoaks School (en) Bedales School (en)
Actividade
Campo de traballo	Actuación cinematográfica
Ocupación	actor de cinema, actor de televisión, actor de teatro, artista, actor
Período de actividade	1971 - 2017
Membro de	Academia das Artes e das Ciencias dos Estados Unidos
Xénero artístico	Drama
Obra
Obras destacables (1989) O meu pé esquerdo (1992) O derradeiro dos mohicanos (1993) In the Name of the Father (2002) Gangs of New York (2007) There Will Be Blood (2012) Lincoln
Outro
Título	Knight Bachelor
Cónxuxe	Rebecca Miller (1996–)
Parella	Isabelle Adjani (1989–1995)
Fillos	Gabriel-Kane Day-Lewis  () Isabelle Adjani Ronan Day-Lewis  () Rebecca Miller Cashel Day-Lewis  () Rebecca Miller
Pais	Cecil Day-Lewis   e Jill Balcon
Irmáns	Tamasin Day-Lewis
Parentes	Michael Balcon, avó Arthur Miller, sogro
Premios
(2013)  Óscar ó mellor actor, premiado polo traballo Lincoln (2012)  Alliance of Women Film Journalists Award for Best Actor (2007)  Óscar ó mellor actor, premiado polo traballo There Will Be Blood (1989)  Óscar ó mellor actor, premiado polo traballo O meu pé esquerdo  Knight Bachelor  Membro da Academia Estadounidense das Artes e as Ciencias  BAFTA ao mellor actor
Sinatura
Descrito pola fonte	Obálky knih,

Sir Daniel Michael Blake Day-Lewis, nado en Londres o 29 de abril de 1957, é un prestixioso actor británico nacionalizado irlandés. A pesar de ser recoñecido pola crítica internacional como un dos actores máis versátiles do seu tempo, non se prodiga demasiado na gran pantalla, escollendo con gran minuciosidade os seus papeis.

Fillo do poeta irlandés de nacemento Cecil Day-Lewis e da actriz Jill Balcon, o seu avó era o produtor cinematográfico e director dos Estudios Ealing, Sir Michael Balcon. Despois dunha etapa en Greenwich, os seus pais decidiron envialo ao internado Sevenoaks, no condado de Kent, e máis tarde á Bedales School de Petersfield. A idade de 13 anos produciuse o seu debut cinematográfico, cun pequeno papel sen acreditar no filme Sunday Bloody Sunday. Posteriormente estudou arte dramática na prestixiosa Old Vic Theatre School de Bristol e foi alí onde iniciou a súa traxectoria como actor de teatro.

A súa estrea como actor adulto foi nun pequeno papel na multipremiada película Gandhi en 1982. Posteriormente fixo varios papeis no teatro e para series da BBC ata que en 1985 se consagrou con dous papeis: o do punky londiniense e homófobo Johnny, de A miña fermosa lavandaría, e a do dandi Cecil Vyse do filme de James Ivory Unha habitación con vistas.

Despois dunha serie de filmes entre os que destacou The Unbearable Lightness of Being, baseado na novela homónima de Milan Kundera, ofrecéronlle o papel do artista irlandés discapacitado Christy Brown en O meu pé esquerdo. Foi este papel no filme de Jim Sheridan o que lle daría fama internacional e un Oscar entre numerosos premios e nomeamentos.

Con este director colaborou noutras dúas ocasións, en 1993 na aclamada In the Name of the Father, pola que volveu ser nomeado a importantes premios, entre eles ao Oscar e ao Globo de ouro; e en 1997 en The Boxer.

Entre tanto tamén tivo tempo de dar o salto a Hollywood, para protagonizar en 1992 a cinta de aventuras O derradeiro dos mohicanos de Michael Mann e un ano despois A idade da inocencia de Martin Scorsese, co que repetiu nove anos despois en Gangs of New York.

No 2005 protagonizou o filme The Ballad of Jake and Rose dirixido pola súa dona Rebecca Miller, filla do coñecido dramaturgo estadounidense Arthur Miller. Dous anos despois estreou o filme There Will Be Blood, baseado na novela Oil! de Upton Sinclair e dirixido por Paul Thomas Anderson, que lle supuxo o seu segundo Oscar e o seu primeiro Globo de ouro ao mellor actor na categoría de drama.

En 2009 protagonizou o musical Nine, adaptación de 8½ de Federico Fellini, dirixido por Rob Marshall. En 2013 recibiu o seu terceiro Oscar como mellor actor principal, pola súa interpretación do décimo sexto presidente dos Estados Unidos, Abraham Lincoln, converténdose no primeiro actor en conseguir tres veces dito premio.

Ao longo de 2017 filmou Phantom Thread ás ordes de Paul Thomas Anderson, segunda colaboración con este director tras There Will Be Blood. O 20 de xuño dese ano, a súa voceira, Leslie Dart, anunciou na revista Variety a retirada de Day-Lewis dos escenarios, aludindo a razóns persoais.^[1][2]

Wikimedia Commons ten máis contidos multimedia na categoría:  Daniel Day-Lewis

A Galipedia ten un portal sobre: Irlanda

• Entrevista do actor con LA Weekly o 19 de decembro de 2007. (en inglés)
• Biografía completa (en inglés)
• Artigo da revista Variety onde se anuncia a participación do actor en Lincoln (en inglés)