Damar

Damar

Tipo	illa
Parte de	Damar Islands (en)
Situado na entidade xeográfica	Barat Daya Islands (en)
Localización
División administrativa	Maluku Barat Daya, Indonesia
7°08′06″S 128°36′50″L / -7.135, 128.613889
Bañado por	Mar de Banda
Características
Altitude	259 m
Punto máis alto	Wurlali  (868 m )
Superficie	194,47 km²

A illa de Damar (en indonesio: Pulau Damer) é unha pequena illa volcánica do grupo das illas de Barat Daya (literalmente suroeste) da provincia indonesia das Molucas, no lado sur do mar de Banda. Rodeada por catro illas máis pequenas - unha ao leste, unha ao oeste e dúas ao sur, conxuntamente conforman as illas de Damar, e constitúense nun distrito administrativo dentro da rexencia de Maluku Barat Daya. O distrito ten unha área terrestre de 392.29 km² e tiña unha poboación de 5.659 habitantes en 2013.

Damar ten sobre 20 km de longo por 18 km de largo. Atópase a uns 125 km ao leste de Romang e 200 km ao leste de Wetar. A parte setentrional da illa foi amplamente deforestada para agricultura de secaño de cocos, anacardios, cafeeiras, cacaos, craveiros e da noz moscada, mentres que a parte sur está principalmente forestal. A poboación concéntrase do norte e leste da illa, sendo a maioría dos habitantes da illa labregos e mariñeiros.^[1] O punto máis alto da illa está a 868 m, o monte de Wurlali, un estratovolcán andesítico .^[2]

A parte forestal da illa foi identificada por BirdLife Internacional como unha Important Bird Area (IBA) polo endémico Ficedula henrici, restrinxido o seu hábitat principalmente ao bosque baixo perennifolio.^[1]

• Svetlana F. Chlenova, Mikhail A. Chlenov: West Damar Language or Damar-Batumerah, an Isolate in South-Eastern Indonesia (PDF; 94 kB)
• Colin R. Trainor: Birds of Damar Island,Banda Sea,Indonesia, 22. Novembro de 2006