Carlos Oroza

Carlos Oroza
	;
Biografía
Nacemento	13 de maio de 1923 ; Viveiro, España
Morte	21 de novembro de 2015 (92 anos); Vigo, España
Causa da morte	insuficiencia cardíaca
Lugar de sepultura	Cemiterio de Pereiró
Actividade
Ocupación	poeta, escritor
Xénero artístico	Poesía
Familia
Fillos	Marina Oroza
Premios
	(2008) Premio Laxeiro ;

Carlos Oroza Fernández, nado en Viveiro o 13 de maio de 1923^[1] e finado en Vigo o 21 de novembro de 2015,^[2] foi un poeta galego.

Traxectoria

De novo marchou a Madrid, onde comezou a traballar nunha pensión. Na década de 1960 fíxose famoso con recitais por toda España, na liña da poesía beat. Naquel tempo fundou a revista Tropos xunto con Víctor Lizárraga e Victoria Paniagua. Participou como actor no filme ¿Por qué te engaña tu marido? (Manuel Summers, 1969), e despois pasou un ano en Eivissa. De ideoloxía libertaria e antifranquista, tivo problemas coa súa actividade poética nos anos setenta. A súa adscrición ao movemento beat foi recoñecida nos Estados Unidos, onde recibiu o premio internacional de Poesía Underground en Nova York. En 1975 cantou xunto ao grupo Eclipse, publicando o sinxelo Malú (Ariola, 7"), coas cancións "Malú" e "Evame Malú", dous temas de rock progresivo con influencias tribais e planeantes^[3]. En 1985 regresou a Galiza e viviu en Vigo até a súa morte no 2015.

A pesar de non ter unha gran cantidade de obra escrita e publicada (e os seus libros son dificilmente atopables), Carlos Oroza é coñecido pola interpretación e performance dos seus propios poemas.

Obra

Poesía

Eléncar (1974).
Cabalum (1980, Ediciós do Castro).
Alicia (1985).
Una porción de tierra gris del norte (1996).
En el norte hay un mar que es más alto que el cielo, primeira edición en 1997, revisada e ampliada en 2005 (Deputación de Pontevedra).
La llama prestada (1998).
Évame (2012), Editorial Elvira.

Recoñecementos

Recibiu o Premio Laxeiro no ano 2008.

Levan o seu nome un centro de ensino público de Pontevedra^[4] e unha pequena rúa peonil de Vigo, que conecta as rúas do Príncipe e de Policarpo Sanz, próxima á Porta do Sol.

Galería de imaxes

Carlos Oroza
Recitando en Redondela.
Enterro de Oroza.

Notas

↑ "Carlos Oroza, poeta maior", artigo de Manuel Bragado en Faro de Vigo, 28 de xaneiro de 2014.
↑ "Fallece en Vigo a los 93 años el poeta Carlos Oroza". Faro de Vigo. 22 de novembro de 2015. Arquivado dende o orixinal o 22 de novembro de 2015. Consultado o 22 de novembro de 2015.
↑ García Lloret, P.: Psicoldelia, Hippies y Undergroung en España 1965-1980.
↑ "CIFP Carlos Oroza". Arquivado dende o orixinal o 16 de maio de 2021. Consultado o 17 de maio de 2021.

Véxase tamén

Bibliografía

"Oroza Hernández, Carlos". Dicionario biográfico de Galicia 3. Ir Indo Edicións. 2010-2011. p. 38.
"Oroza Hernández, Carlos". Enciclopedia Galega Universal. Ir Indo. 1999-2002. ISBN 84-7680-288-9.
Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
Novoneyra, Branca (xuño de 2011). "Carlos Oroza, la codicia de lo lejano". Cuadernos Hispanoamericanos (en castelán) (732): 53–57. ISSN 0011-250X.
Vilavedra, Dolores, ed. (1995). Diccionario da literatura galega. Autores I. Vigo: Editorial Galaxia. p. 415. ISBN 84-8288-019-5.

[1] "Carlos Oroza, poeta maior", artigo de Manuel Bragado en Faro de Vigo, 28 de xaneiro de 2014.

[2] "Fallece en Vigo a los 93 años el poeta Carlos Oroza". Faro de Vigo. 22 de novembro de 2015. Arquivado dende o orixinal o 22 de novembro de 2015. Consultado o 22 de novembro de 2015.

[3] García Lloret, P.: Psicoldelia, Hippies y Undergroung en España 1965-1980.

[4] "CIFP Carlos Oroza". Arquivado dende o orixinal o 16 de maio de 2021. Consultado o 17 de maio de 2021.

[1]