Cantón de Zürich

Cantón de Zürich

Zürich (de)
Bandeira
Localización
47°25′N 8°40′L / 47.41, 8.66
Estado federado	Suíza
Capital	Zürich
Contén a división administrativa	Distrito de Affoltern (pt) Distrito de Andelfingen (pt) Distrito de Bülach (pt) Distrito de Dielsdorf (pt) Distrito de Dietikon (pt) Distrito de Hinwil (pt) Distrito de Horgen (pt) Distrito de Meilen (pt) Distrito de Pfäffikon (pt) Distrito de Uster (pt) Distrito de Winterthur (pt) Distrito de Zurique (pt)
Poboación
Poboación	1.520.968 (2018) (879,68 hab./km²)
Lingua oficial	lingua alemá
Xeografía
Superficie	1.729 km²
Altitude	408 m
Punto máis alto	Schnebelhorn (en) (1.291,3 m)
Punto máis baixo	High Rhine (en) (330 m)
Comparte fronteira con	Cantón de Schaffhausen Turgovia Cantón de San Galo Cantón de Schwyz Argovia Cantón de Zug Baden-Württemberg
Datos históricos
Creación	1351 (Gregoriano)
Evento clave 6 de setembro de 1839 Züriputsch (en)
Organización política
• Xefe do goberno	Mario Fehr (pt)
Órgano lexislativo	Cantonal Council of Zürich (en) , (Escano: 180)
Membro de	International Lake Constance conference (en)
Identificador descritivo
Fuso horario	UTC+01:00, horario estándar UTC+02:00, horario de verán
ISO 3166-2	CH-ZH
Código NUTS	CH04
Outro
Irmandado con	Chongqing
Páxina web	zh.ch

O cantón de Zürich^[1](en alemán Zürich, en francés Zurich, en italiano Zurigo, en romanche Turigt) é un dos vinte e seis cantóns suízos. Zürich, a súa capital, é coñecida como a metrópole máis pequena do mundo.

Zuric é o cantón máis poboado de Suíza, con máis de 1 300 000 habitantes. A lingua oficial do cantón é o alemán, aínda que a maioría da poboación fala un dialecto alemán chamado Züritüütsch, que é unha das variantes do Schwiizerdütsch.

O cantón sitúase ao norte dos Alpes. Limita ao norte co cantón de Schaffhausen e con Baden-Wurtemberg (Alemaña), ao sur cos de Zug e Schwyz, ao leste cos de Turgovia e Sankt Gallen, e ao oeste co de Argovia. Gran parte do lago de Zürich pertence ao cantón.

Ten 1.729 km², dos que o 80 % é considerado territorio produtivo. As fragas cobren 505 km², e os lagos 73 km². Os lagos máis importantes son o de Zürich, o Greifensee e o Pfäffikersee.

A maior parte do cantón está formada por estreitos vales fluviais estreitos dirixidos cara ao norte, desembocando no río Rin. As zonas máis motañosas están cara ao noroeste e o sueste. O río Linth é o principal afluente do lago de Zürich, do que sae o río Limmat, que constitúe o val máis importante do cantón.

O cantón de Zürich está constituído polos territorios adquiridos pola capital até finais de 1803. A parte baixa do cantón foi anexionada ao territorio zuriqués en 1362. A parte norte entrou a formar parte logo de que arrebatarlle aos Habsburgo a cidade de Winterthur en 1467. A constitución cantonal foi promulgada en 1869.

Gran parte do territorio é cultivado, especialmente cara ao norte e o leste, pero o cantón de Zürich non se considerada unha zona agrícola. A industria manufactureira predomina en todo o cantón, destacando as súas empresas e desenvolvemento técnico. No pasado foron importantes os tecidos de seda e algodón, e aínda seguen a ser actividades relevantes para a economía local. O cantón de Zürich é o de maiores ingresos da confederación Helvética, sendo sede de importantes empresas, ademais de contar coa cidade de Zürich, capital económica de Suíza.

Os ferrocarrís atravesan os principais vales do cantón. O nó central de comunicacións está en Zürich, onde un gran número de ferrocarrís se conectan ao sistema nacional e internacional de transporte ferroviario. A estación de trens de Zürichh é a máis importante de Suíza, ademais de ser unha das máis transitadas do mundo. As principais compañías europeas, como SBB, ÖBB ou DB, conectan Zürich coas principais capitais de Europa.

O aeroporto máis importante de Suíza está tamén no cantón de Zürich, o Aeroporto Internacional de Zürich, a 12 km do centro da cidade, sede da compañía suíza de aviación, a Swiss International Air Lines.

O cantón de Zürich está dividido en doce distritos:

• Zürich
• Affoltern
• Andelfingen
• Bülach
• Dielsdorf
• Dietikon
• Hinwil
• Horgen
• Meilen
• Pfäffikon
• Uster
• Winterthur

Este artigo (ou sección) está desactualizado(a). A información fornecida mudou ou é insuficiente.